កំពង់ឆ្នាំង៖ដោយសារតែស្រឡាញ់គ្នាជាប្តីប្រពន្ធមិនបានរៀបការធ្វើសំបុត្រអាពាហ៍ពិពាហ៍(ចុះអេតាស៊ីវិល)ស្ត្រីកូនមានតូចម្នាក់បានរងគ្រោះ ដោយម្តាយក្មេកនិងប្តីក្មេងដែលស្រឡាញ់នាងឆ្អែតឆ្អន់ហើយនោះ បានបណ្តេញនាងចេញពីផ្ទះ ដោយគ្មានអ្វីជាទីពឹងនាងក៏បានវិញទៅស្រុកកំណើតវិញ ដែលនេះជាមេរៀនមួយសំរាប់នារីខ្មែរគួរចៀសវាង។ករណីខាងលើនេះបានកើតឡើង នៅក្នុងភូមិទី៨ សង្កាត់ខ្សាម ក្រុងកំពង់ឆ្នាំង នៅព្រឹកថ្ងៃទី២៥ ខែកុម្ភៈ ឆ្នាំ២០១៥។
ស្ត្រីដ៏គួរអោយអាណិតនេះអ្នកយកព័ត៌មានយើងបានជួបនាងកំពុងអង្គុយទូសព្ទ័យំបង្ហូរ
ទឹកភ្នែក នៅលើកៅអីថ្មក្នុងសួនកុមារមុខសាលាខេត្តកំពង់ឆ្នាំងនៅវេលាម៉ោង៩និង៣០នាទីព្រឹ
កថ្ងៃទី២៥ ខែកុម្ភៈ ឆ្នាំ២០១៥ នាងបាននិយាយអោយដឹងថា៖ នាងឈ្មោះ សឿន ស្រីឡែន អា
យុ២៩ឆ្នាំ មានកូនប្រុសម្នាក់អាយុជាង៣ខែ មានទីលំនៅភូមិថ្នល់បំបែក ឃុំអមលាំង ស្រុកថ្ពង
ខេត្តកំពង់ស្ពឺ។
នៅក្នុងអំឡុងឆ្នាំ២០១៣ នាងធ្វើជាកម្មការិនីរោងចក្រធ្វើខ្ចៅខ្ចងនៅក្នុងក្រុងភ្នំពេញ ក៏បា នស្រឡាញ់គ្នាជាប្តីប្រពន្ធ ជាមួយយុវជនម្នាក់ឈ្មោះ សឿក ម៉េងហ័ង ហៅពៅ អាយុ១៩ឆ្នាំ គេជាជាងឈើមានផ្ទះនៅខេត្តស្ទឹងត្រែង ដែលនៅពេលនោះគេបានមកធ្វើពិដានផ្ទះអោយគេនៅក្នុងទីក្រុងភ្នំពេញ តែនាងមិនបានរៀបការ និងមិនបានចុះសំបុត្រអាពាហ៍ពិពាហ៍ ឬអេតាស៊ីវិលជាមួយប្តីនាងនោះទេ ហេតុនេះហើយទើបត្រូវគេបោកប្រាស់និងធ្វើបាប។
ក្រោយមកនាងក៏បានមកជួលផ្ទះរស់នៅជាមួយប្តីនិងម្តាយក្មេក នៅក្នុងភូមិទី៨ សង្កាត់
ខ្សាម ក្រុងកំពង់ឆ្នាំង ចំណែកប្តីនាងធ្វើការក្នុងសិប្បកម្មធ្វើតុទូរមួយកន្លែង។រយះពេលរស់នៅ
ជាប្តីប្រពន្ធមិនបានសេចក្តីសុខទេ ព្រោះតែនាងមានរូបសម្ផស្សមិនស្អាត និងចាស់ជាងប្តីរហូតដល់១០ឆ្នាំ ធ្វើអោយម្តាយក្មេកឈ្មោះ ស្រីនាង អាយុ៤៧ឆ្នាំ ចេះតែព្យាយាមបំបែកនាងពីប្តី។
ពេលនាងមានផ្ទៃពោះ៥ខែ ម្តាយក្មេកបានបង្ខំអោយនាងទៅទំលាក់កូនចោល តែគ្រូពេទ្យមិនហ៊ានទំលាក់អោយ ក្រោយមកទោះបីនាងធ្វើអីក៏ម្តាយក្មេកនាងមិនពេញចិត្តដែរ ចំណែកប្តីនាងក៏ធ្វើតាមចិត្តម្តាយគេដែរ។
បន្ទាប់មកម្តាយក្មេកនាងនិងប្តីបានបណ្តេញនាងអោយចុះចេញពីផ្ទះជាច្រើនលើក ដោយ
និយាយថារូបនាងមិនមែនជាប្រពន្ធស្របច្បាប់នោះទេ ទៅប្តឹងអ្នកណាក៏ប្តឹងទៅ។ ដោយមិនអាចទ្រាំរស់នៅបានបាងក៏បានចុះចេញពីផ្ទះនៅព្រឹកថ្ងៃទី២៥ ខែកុម្ភៈ ដោយគ្មានលុយ១រៀលជាប់នឹងខ្លួនឡើយ។ក្រោយពីអ្នកយកព័ត៌មានយើងរាយការណ៍អោយសមត្ថកិច្ចជួយអន្តរាគម នាងក៏បានសំរេចចិត្តមិនប្តឹងផ្តល់អីទេព្រោះគ្មានលុយ ហើយសមត្ថកិច្ចក៏បានរ៉ៃអង្គាសប្រាក់គ្នា
បាន១៥ម៉ឺនរៀលជូននាង ដើម្បីអោយនាងជិះរថយន្តទៅផ្ទះនៅខេត្តកំពង់ស្ពឺវិញ។នេះគឺជាមេ រៀនមួយនៃជីវិតស្ត្រីគួរពិចារណានិងគួរចៀសវាង៕
