ក្រុងភើតៈ នាវា និងយន្តហោះមកពីប្រទេសជាច្រើន បានមកមូលមីរដេរដាសលើជ្រុងខាងត្បូងដាច់ស្រយាលនៃមហាសមុទ្រឥណ្ឌា ពីថ្ងៃចន្ទ ខណៈការរុករកយន្តហោះអ្នកដំណើរម៉ាឡេស៊ីដែលបាត់ កាន់តែមានកម្លាំងជាមួយភ័ស្តុតាងនៃវត្ថុអណ្ដែតលើទឹកកាន់តែច្រើនឡើង។
ប៉ុន្តែ ខ្យល់ព្យុះស៊ីក្លូនដែលបានបន្លឺសន្ធឹកសំដៅទៅតំបន់រុករក បានគំរាមរារាំងក្រុមអ្នករុករក ដែលមិនអាចកែប្រែដំណឹងប៉ុន្មាន ថ្ងៃនេះទៅជាភ័ស្តុតាងរឹងមាំ ដែលអាចជួយដោះស្រាយអាថ៌កំបាំង នៃជើងហោះហើរMH370 នៃអាកាសចរណ៍ម៉ាឡេស៊ី។ទីភ្នាក់ងារស៊ីនហួបាន និយាយថា ចិនបាននិយាយពីថ្ងៃចន្ទថា ក្រុមយានិករបស់ខ្លួនបានប្រទះឃើញបំណែកអណ្ដែតទឹកធំពីរ ជាមួយវត្ថុតូចៗពណ៌សជាច្រើន នៅរាយប៉ាយនៅក្នុងរង្វង់ជាច្រើនគីឡូម៉ែត្រ។
របាយការណ៍នេះ បានបន្ថែមចំពោះការប្រទះឃើញ បន្ទះឈើស្រល់ ខ្សែបន្ទះ និងវត្ថុជាច្រើនទៀត ហើយចិននិងបារាំងក៏បាន ចេញព័ត៌មានផ្កាយរណបកាលពីចុងសប្ដាហ៍ដែលក៏បានបង្ហាញពី វត្ថុអណ្ដែតដែលនៅឆ្ងាយពីឆ្នេរភាគខាងលិចអូស្ត្រាលីផងដែរ ដែលជាការរកឃើញនេះបានលើកស្ទួយក្ដីសង្ឃឹមនៃការទម្លាយភាពទ័លច្រកអាថ៌កំបាំង ក្នុងវិបត្តិជាង២សប្ដាហ៍នេះ។ អាជ្ញាធរសុវត្ថិភាពដែនសមុទ្រអូស្ត្រាលី(AMSA) ក្រុមរុករកនឹងស៊ើបអង្កេតការឃើញរបស់ចិន។
កងនាវាយោធា និងយន្តហោះស៊ីវិលអន្តរជាតិដែលកើនឡើងបានមកជួបជុំគ្នាលើ តំបន់នោះចម្ងាយ២៥០០គ.ម.ភាគនិរតីក្រុងភើត គាំទ្រដោយនាវាទ័ពជើងទឹកអង់គ្លេស និងអូស្ត្រាលីដែលមានភារកិច្ចទាញយកវត្ថុណា មួយពីទឹកដ៏គួរឲ្យខ្លាចនោះ។ ជើងហោះហើរMH370 នៃអាកាសចរណ៍ម៉ាឡេស៊ី បានបាត់ដោយមិនជូនដំណឹងនៅថ្ងៃទី០៨ ខែមីនាលើផ្លូវពីក្រុងគូឡាឡាំពួទៅកាន់ក្រុងប៉េកាំង ជាមួយអ្នកដំណើរ២២៧នាក់ និងក្រុមយានិក១២នាក់។
ឧបនាយករដ្ឋមន្ត្រីអូស្ត្រាលី លោក Warren Truss បានព្រមានប្រឆាំងនឹងក្តីសង្ឃឹមពុំត្រឹមត្រូវនៅក្នុងការរុករកដែល បានជួបតែដំណឹងគ្មានបានការជាច្រើន។ លោក បានប្រាប់វិទ្យុជាតិថា៖ «ខ្ញុំ គិតថា យើងគ្រាន់តែកំពុងក្ដាប់ព័ត៌មានតូចៗដែលមាន ដើម្បីព្យាយាមស្វែងរកកន្លែងមួយដែលយើងអាចយកចិត្តទុកដាក់លើ កិច្ចប្រឹងប្រែង»។ កងទ័ពជើងទឹកអាមេរិក បានបន្ថែមនៃសញ្ញាកាន់តែជិត ដោយបញ្ជាឲ្យបញ្ជូនឧបករណ៍ឯកទេស ដើម្បីជួយរុករកទីតាំងប្រអប់ខ្មៅ និងទិន្នន័យសំឡេងបន្ទប់បើកបរ ទៅតំបន់នោះ។
ការរកឃើញប្រអប់ខ្មៅនឹងមានសារៈសំខាន់ក្នុងការកំណត់ថា អ្វីបានកើតឡើង ចំពោះយន្តហោះBoeing 777 នោះ?។ នៅក្នុងសេចក្ដីថ្លែងការណ៍មួយ កងនាវាទី៧អាមេរិកបាននិយាយ ថា ឧបករណ៍បច្ចេកទេសខ្ពស់នេះ អាចរកទីតាំងប្រអប់ខ្មៅជម្រៅ៦១០០ម៉ែត្រ។ ក្រុមរាវក្នុងមហាសមុទ្រនេះនិយាយថាដែនសមុទ្រ ដែលត្រូវរុករកបំណែកជម្រៅពី៣០០០ដល់៤០០០ម.៕ 
