កំពង់ធំ= អគ្គិភ័យបានលេបត្របាក់ផ្ទះប្រជាពលរដ្នទំហំ៦គុណ១១ម៉ែត្រ ប្រវែង៣ខ្នង រថយន្ដតាកូម៉ា១គ្រឿងព្រមទាំងទ្រព្យសម្បត្តិទាំងអស់ក្នុងផ្ទះ ការឆេះនេះនៅវេលាម៉ោង១០,១៥នាទីថ្ងៃទី២៦ ខែកុម្ភះឆ្នាំ២០១៥នៅក្នុងភូមិល្វៀចូម ឃុំត្រពាំងឬស្សី ស្រុកកំពង់ស្វាយ ខេត្តកំពង់ធំ
ក្នុងនោះមានការចូលរួមត្រួតពិនិត្យពីរ សមត្តកិច្ចនគរបាលប៉ុស្ដិត្រពាំងឬស្សី កំលាំងជំនាញអគ្គិភ័យ និងលោក យន់ឆៃយាន អធិការរងស្រុកកំពង់ស្វាយ សរុបចំនួន៦នាក់។
ក្នុងក្រុមគ្រួសារនេះប្ដីឈ្មោះ ធាមថុន អាយុ ៣២ឆ្នាំ ប្រពន្ធឈ្មោះឆេងគឹមហ៊ុង អាយុ៣២ឆ្នាំ មានកូនប្រុស២នាក់ បងអាយុ១១ឆ្នាំ ប្អូនអាយុ ៨ឆ្នាំ ទ្រព្យសម្បត្តិដែលបាត់បង់មានផ្ទះ៣ខ្នង ឈើលើថ្មក្រោម ,រថយន្ដតាកូម៉ា១គ្រឿង ,លុយ៩០០ដុល្លា ទូឈើ១ សម្ភារះមួយចំនួនធំ ព្រមទាំងស្រូវ៣៥បេផង។
តាមប្រភពពត័មានពីប្រជាពលរដ្នបានអោយដឹងថាម្ចាស់ផ្ទះជាប្ដីបានទៅលក់អេតចាយ ឯប្រពន្ធកំពុងតែលក់ចាប់ហួយនៅមុខផ្ទះពុំបានដឹងថាភ្លើងបានឆេះផ្ទះគាត់នោះទេ គឺប្រជាពលរដ្នជិតខាងបានមើលពីចំងាយឃើញអណ្ដាតភ្លើងឆេះនៅក្នុងផ្ទះហើយហៀរចេញតាមជញ្ចាំងយ៉ាងសន្ធោរសន្ធៅទៅហើយ ជួនពេលនោះម្ចាស់បានចាក់សោរទាំងលើទាំងក្រោមដោយមានរថយន្ដម៉ាកតាកូម៉ា១គ្រឿងនៅក្នុងបន្ទប់ក្រោមផ្ទះផង ព្រោះម្ចាស់មិនបានឡើងដេកលើផ្ទះ៣យប់មកហើយអោយតែកូនប្រុស២នាក់ឡើងដេក បើតាមការសាកសួរប្ដីនិងប្រពន្ធបានប្រាប់ថាជារៀងរាល់ថ្ងៃគាត់តែងតែចាប់អាគុយប្រើភ្លើងជាប់ជារហូតមិនដែលដោះចេញម្ដងណាទេ ។
លោក យន់ឆៃយាន អធិការរងស្រុកកំពង់ស្វាយ បានអោយដឹងថាប្រពន្ធមិនអាចស្រាយបំភ្លឺបានទេ តែប្ដីបានសារភាពថាខ្លួនមុនចេញពីផ្ទះ ខ្លួនបានចាប់សាកថ្មអាគុយចោលពុំបានដោះចេញទើបសមត្តកិច្ចអាចសន្នដ្ឋាន ថាមកពីផ្ទុះសេរខ្សែភ្លើងឬសាក់ថ្មឧបករណ៍អ្វីមួយរហូតក្ដៅផ្ទុះឆេះបាន ព្រោះម្ចាស់មានអាគុយ២៥០អំពែរ មួយគ្រឿង និង៥០អំពែរមួយគ្រឿងសំរាប់ចាប់បំភ្លឺរៀងរាល់យប់ ដូច្នេះការសន្និដ្ឋានគឺផ្ទុះសេខ្សែភ្លើង៕
ប៊ុនរិទ្ធី
