មនុស្សស្រី២នាក់បានរងរបួសធ្ងន់ស្រាលដោយសារតែពួកគេកំពុងជិះម៉ូតូធូដេមួយគ្រឿងហើយត្រូវរថយន្តកាមរីបើកបុកចំពីជំហៀងពេញទំហឹងកាលពីវេលាម៉ោង២និង១០នាទីរំលងអាធ្រាតឈានចូលថ្ងៃទី២៦ ខែកុម្ភៈ ឆ្នាំ២០១៥ នៅចំណុចមុខប៉ុស្តិនគបាលរដ្ឋបាលស្រះចក តាមបណ្តោយផ្លូវមន្នីវង្ស កែងផ្លូវលេខ១១០ ស្ថិតក្នុងសង្កាត់ស្រះចក ខណ្ឌដូនពេញ។
តាមសាក្សីនៅកន្លែងកើតហេតុបានឲ្យដឹងថា មុនពេលកើតហេតុគេបានឃើញបុរសម្នាក់ឌុបនារីម្នាក់ជិះម៉ូតូម៉ាកធូដេ មួយគ្រឿង ពណ៌ទឹកប្រាក់ គ្នានស្លាកលេខ ធ្វើដំណើរតាមបណ្តោយ
ផ្លូវលេខ១១០ ក្នុងទិសដៅពីកើតទៅលិច ខណៈមកដល់ចំណុចផ្លូវកែងនិងផ្លូវមន្នីវង្ស ស្រាប់តែមានរថយន្តម៉ាកកាមរី មួយគ្រឿងមិនចាំស្លាកលេខ ធ្វើដំណើរតាមបណ្តោយផ្លូវមន្នីវង្សក្នុងទិសដៅពីជើងទៅត្បូង ក្នុងល្បឿនលឿន បានជ្រុលបុកចំពីជំហៀងពេញទំហឹង បណ្តាលឲ្យនាក់ជិះម៉ូតូដួលទៅនិងថ្នល់ រងរបួសធ្ងន់និងស្រាល ចំណែករថយន្តបង្កបានបើកគេចខ្លួនបាត់ស្រមោលតែម្តង ។
ក្រោយពេលកើតហេតុជនរងគ្រោះត្រូវបានមិត្តភ័ក្តដឹកទៅសង្គ្រោះនៅមន្ទីរពេទ្យភ្លាមដោយមិនបានដាក់ពាក្យបណ្តឹងនោះទេដោយសារតែរថយន្តបានបើកគេចខ្លួន បាត់។
