ក្រុមសកម្មជននិយមជ្រុលរដ្ឋអ៊ីស្លាមបាននិយាយថា ពួកគេបានចាប់ខ្លួនគ្រឹស្ថសាសនិកជន Assyrie ក្នុងភាគឦសានប្រទេសស៊ីរីយ៉ាងតិច ២២០ នាក់។
ទីភ្នាក់ងារអង្កេតការណ៏សិទ្ធមនុស្សអង់គ្លេសបានរាយការណ៏ថា យុទ្ធជនរដ្ឋអ៊ីស្លាម បានចាប់មនុស្សក្នុងពេល ៣ ថ្ងៃកន្លងទៅនេះ បន្ទាប់ពីពួកគេបានចូលត្រួតត្រាភូមិ ១០ ក្នុងខេត្ត Hassakeh។
ជាងនេះទៅទៀត ក្រុមសកម្មជននិយាយថា មានមនុស្សជាច្រើននាក់ទៀតបានរត់ចេញពីផ្ទះរបស់ខ្លួនឆ្ពោះទៅទីក្រុងធំៗនៅ Hassakeh និង Qamishli ខណៈដែល យុទ្ធជនជាតិ ឃឺដ បានធ្វើការវាយប្រយុទ្ធជាមួយក្រុមសកម្មប្រយុទ្ធខ្លួននៅក្នុងតំបន់នោះ បន្ទាប់ពីបានទទួលជំនួយពីការវាយប្រហារតាមផ្លូវអាកាសជាច្រើនថ្ងៃដោយសម្ព័ន្ធយោធាដែលដឹកនាំដោយសហរដ្ឋអាមេរិក ៕
