ក្រសួងការពារជាតិអ៊ុយក្រែនបានប្រកាសថា កងកំលាំងរដ្ឋាភិបាលបានចាប់ផ្តើមធ្វើការដកខ្លួនរួមជាមួយអាវុធយុទ្ធភណ្ឌធនធ្ងន់ចេញពីតំបន់ខ្សែរត្រៀមជួរមុខភាគកើតប្រទេសហើយ ដើម្បីជាការឆ្លើយតបទៅនឹងកិច្ចព្រមព្រៀងនៃបទឈប់បាញ់ដែលត្រូវបានធ្វើឡើងនៅទីក្រុង មីនស៏ កាលពីថ្ងៃទី ១២ ដើមខែកុម្ភៈនេះ។
ការដកកងកម្លាំងចេញពីតំបន់ជួរមុខនេះ ត្រូវបានធ្វើឡើងពីថ្ងៃបន្ទាប់ពី ភាគីទាំងអស់នៅក្នុងតំបន់បានអនុវត្តន៏តាមបទឈប់បាញ់ ដោយមិនបង្ករការផ្ទុះអាវុធបន្ថែមក្នុងរយៈពេល ២ ថ្ងៃចុងក្រោយនេះ ដោយស្ថិតនៅក្រោមការត្រួតពិនិត្យនិង ឃ្លាំមើលពីទីភ្នាក់ងាររក្សាសន្តិសុខ និង កិច្ចសហប្រតិបត្តិការន៏អឺរ៉ុប OSCE ។
ដោយឡែកស្របពេលជាមួយគ្នានេះដែរ មេដឹកនាំរបស់ក្រុមឧទ្ទាមក៏បាននិយាយដែរថា ពួកគេក៏បានធ្វើការដកកំលាំងសកម្មជនរបស់ខ្លួនប្រមាណជាង ៤០០ នាក់ ចេញពីតំបន់ប្រឈមជួរមុខផងដែរ ៕
