បាត់ដំបង=យុវជនពីរនាក់ជាកម្មករលាងម៉ូតូនៅជិតមន្ទីពេទ្យបង្អែកខេត្តបាត់ដំបង បានរងរបួសយ៉ាងធ្ងន់ធ្ងរខណះដែលពួកគេបានជិះម៉ូតូម៉ាក(ទ្រីមឆ្នាំ២០១១ពាក់ផ្លាកលេខ1D 0855 បន្ទាយមានជ័យ)នាំគ្នាចេញមកពីមើលគេប្រគំតន្ត្រីខនស៊ើទ នៅផ្សាររាត្រីB2Bក៍ត្រូវរថយន្ត ម៉ាក(ហាយប្រីត)បានបុកខ្ទាតជាង៤០ម៉ែត្រ ពេលយុជនទាំងពីរជិះម៉ូតូបញ្ច្រាសទិសគ្នាជាមួយរថយន្ត។ហេតុការណ៍ដែលបង្ករឲ្យមានការភ្ញាក់ផ្អើលនេះបានកើតឡើងកាលពីរវេលាម៉ោង១០និង០០នាទី យប់ថ្ងៃទី២៦ ខែកុម្ភះ ឆ្នាំ២០១៥ នៅចំណុចខាងមុខមន្ទីពេទ្យឯកជន(វិសាលសុខ)តាម បណ្តោយផ្លូវជាតិលេខ៥ ក្នុងក្រុងបាត់ដំបង ។
បើតាមសាក្សីដែលបានឃើញហេតុការណ៍បានប្រាប់ថា មុនពេលកើតហេតុគេឃើញយុវជន ទាំងពីរនាក់ខាងលើបានជិះម៉ូតូក្នុងគោលដៅពីលិច ទៅកើតដោយក្នុងដៃមានកាន់នំចំណីផង ដែលពួកគេទើបនិងត្រឡប់មកពីមើលការប្រគំតន្ត្រីខនស៊ើទលុះមកដល់ចំណុចកើតហេតុខាងលើ ក៍ឃើញរថយន្តម៉ាក(ហាយប្រីត)បើកក្នុងគោលដៅពីកើតទៅលិចក្នុងល្បឿនលឿន ក៍បានជ្រុលចង្កូតបុកម៉ូតូយ៉ាងពេញទំហឹងតែម្តង ក្រោយពីបានបុកជនរងគ្រោះរថយន្តខាងលើបានបន្ថែមល្បឿនគេចខ្លួនបាត់។
ជនរងគ្រោះទាំងពីរនាក់ខាងលើទី១ឈ្មោះទុយ ជ្រិន ភេទប្រុស ភេទប្រុស អាយុ១៨ឆ្នាំ មុខរបរជាកម្មករលាងម៉ូតូ នៅជិតមន្ទីពេទ្យបង្អែកខេត្តបាត់ដំបង ទី២ឈ្មោះតូយ មិនស្គាល់ ត្រកូលជាកម្មករលាងម៉ូតូជាមួយគ្នា។
បន្ទាប់ពីកើតហេតុភ្លាមៗនោះជនរងគ្រោះត្រូវយកចូលសង្គ្រោះនៅក្នុងមន្ទីពេទ្យឯកជន (វិសាលសុខ)នេះតែម្តង ចំណែកម៉ូតូរបស់ជនរងគ្រោះត្រូវសមត្ថកិច្ចលើកយកទៅរក្សារទុក នៅការិយាល័យចរាចរណ៍ផ្លូវគោកខេត្ត រង់ចាំសមត្ថកិច្ចតាមរកមុខសញ្ញារថយន្ត ព្រោះរូបភាព នជាប់នៅក្នុងកាមារា សុវត្ថភាពរបស់មន្ទីពេទ្យ៕
