បច្ចុប្បន្នចិនមាននាវាមុជទឹកធម្មតា និងនាវាមុជទឹកដើរដោយថាមពលបរមា ណូច្រើនជាងអាមេរិកទៅទៀត មិនត្រឹម តែប៉ុណ្ណោះចិនបង្កើនការផលិតបន្ថែម នាវាមុជទឹកទំនើបៗជាច្រើនបន្ថែមទៀត។
កម្លាំងទាហានជើងទឹកអាមេរិកកាល ពីថ្ងៃទី២៦ ខែកុម្ភៈ បានប្រកាសអាសន្ន ពីសកម្មភាពខាងលើនៅក្នុងសភា ។ លោកJoseph Mulloy មេបញ្ជាការរង កងទ័ពជើងទឹកអាមេរិកបានបញ្ជាក់ថា នៅពេលនេះចិនមានចំនួននាវាមុជទឹក ច្រើនជាងអាមេរិកប៉ុន្ដែគុណភាពនិង ប្រសិទ្ធភាពនៅមិនទាន់ប្រៀបស្មើអាមេ រិកនៅឡើយទេ ប៉ុន្ដែនៅពេលដ៏ខ្លីខាងមុខ បច្ចេកវិទ្យានាវាមុជទឹករបស់ចិនអាច ប្រៀបផ្ទឹមជាមួយអាមេរិកបាន ។
តួលេខពិតប្រាកដរបស់នាវាមុជទឹក ចិនមិនច្បាស់នោះឡើយ ប៉ុន្ដែរបាយ ការណ៍កាលពីឆ្នាំ២០១៤ របស់ក្រសួង ការពារជាតិអាមេរិកបានបង្ហាញឱ្យ ឃើញថា ចិនមាននាវាមុជទឹកកំពុង ដំណើរការ៦០គ្រឿង នាវាមុជទឹកវាយ ឡើងគោក៥៥គ្រឿងធុនធំ ។
លោកJoseph Mulloy បានបញ្ជាក់ ទៀតថា បច្ចុប្បន្នចិនកំពុងតែពង្រីកទីតាំង ធ្វើសកម្មភាពនៅតាមដែនសមុទ្រជា មួយនឹងនាវាមុជទឹកទំនើបៗរបស់ខ្លួន ។
កន្លងមកថ្មីៗចិនទើបតែបានសាក ល្បងនាវាមុជទឹក៣គ្រឿងផ្សេងគ្នានៅ មហាសមុទ្រឥណ្ឌាហើយការសាកល្បង នាវាមុជទឹកយុទ្ធសាស្ដ្របំពាក់កាំជ្រួច មីស៊ីលឆ្លងទ្វីបធ្វើឡើងរយៈពេល៩៥ថ្ងៃ។
រយៈពេលកន្លងមកមន្ដ្រីយោធាអាមេ រិកតែងតែព្រមានពីសកម្មភាពប្រកួត ប្រជែងសព្វាវុធរបស់ចិននៅក្នុងតំបន់ ហើយអាមេរិកចាំបាច់ត្រូវតែរក្សាឱ្យបាន ជាប្រទេសមហាអំណាចយោធា បច្ចេក វិទ្យាសព្វាវុធមិនត្រូវទុកឱ្យប្រទេសណាមួយតាមទាន់នោះឡើយ ដូចជាចិននិង រុស្ស៊ីជាដើម។
រដ្ឋាភិបាលទីក្រុងវ៉ាស៊ីនតោនក៏បាន បង្ហាញការព្រួយបារម្ភពីសកម្មភាពពង្រីក ទីតាំងធ្វើសកម្មភាពក៏ដូចជាបង្កើនចំនួន សព្វាវុធនៅតាមដែនសមុទ្រអាចបង្កឱ្យ តំបន់ទាំងមូលធ្លាក់ក្នុងអសន្ដិសុខ ។ បច្ចុ ប្បន្នចិនមានវិវាទជាច្រើនជាមួយប្រទេស ជិតខាងទាំងនៅដែនសមុទ្រភាគខាង ត្បូងនិងភាគខាងកើត ។
នៅពេលនេះអាមេរិកត្រូវតែមាន វិធានការទប់ស្កាត់ឥទ្ធិពលរបស់ចិននៅ ក្នុងតំបន់ប្រកបដោយប្រសិទ្ធភាពបំផុត បើមិនដូច្នោះទេនៅពេលដ៏ខ្លីខាងមុខ មហាអំណាចទី១នៅលើពិភពលោក របស់អាមេរិកអាចប្រឈមនឹងការបាត់ បង់ធ្លាក់ចូលក្នុងដៃចិនជាក់ជាមិនខាន។ ចំណុចទាំងនោះហើយទើបប្រធានាធិបតីបារ៉ាក់អូបាម៉ា បានអនុវត្ដគោលនយោ បាយមកកាន់
តំបន់អាស៊ីក្នុងគោលដៅ ឡោមព័ទ្ធឥទ្ធិពលរបស់ចិន ។ អាមេរិក បានបង្កើនសម្ពនមិត្ដជាមួយប្រទេសជិត ខាងចិន និងផ្ដល់ជំនួយយ៉ាងច្រើនដល់ ប្រទេសទាំងនោះដើម្បីការពារអធិបតេយ្យ ភាពទប់ស្កាត់ការពង្រីកអំណាចគ្រប់គ្រង នៅតាមដែនសមុទ្រដែលមានវិវាទជាមួយចិន ៕
