ភ្នំពេញ៖ យុវជនម្នាក់បានរងរបួសបាក់ជើងម្ខាងនិងម្នាក់ទៀតរងរបួសស្រាលខណៈដែលរួបគេកំពុងជិះម៉ូតូហើយត្រូវយុវជន២នាក់ទៀតជិះម៉ូតូក្នុងល្បឿនលឿនជ្រុលបុកចំពីមុខពេញទំហឹង កាលពីវេលាម៉ោង២១និង៣០នាទីយប់ថ្ងៃទី២៥ខែមិនា ឆ្នាំ២០១៤ នៅចំណុចច្រមុះជ្រូកស្ទឹងមានជ័យ
សង្កាត់ស្ទឹងមានជ័យ ខណ្ឌមានជ័យ។
តាមសាក្សីនៅកន្លែងកើតហេតុបានឲ្យដឹងថា មុនពេលកើតហេតុគេបានឃើញយុវជន២នាក់ជិះម៉ូតូម៉ាកស១២៥ សេរីឆ្នាំ២០១១ ពណ៌ខ្មៅពាក់ស្លាកលេខភ ៤០៩៣ ធ្វើដំណើរតាមបណ្ដោយផ្លូវមុនីរ៉េតក្នុងទិសដៅពីត្បូងទៅជើងហើយតប់ឆ្វេងឡើងទៅតាមផ្លូវវេងស្រេង បានជ្រុលបុកម៉ូតូវេងពណ៌ខ្មៅពាក់ស្លាកលេខភ្នំពេញ1CC-1481 ដែលធ្វើដំណើរតាមបណ្ដោយផ្លូវមុនីរ៉េតក្នុងទិសដៅពីជើងទៅត្បូងបានបុកគ្នាពេញទំហឹងបណ្ដាលឲ្យអ្នកជិះម៉ូតូវេវរងរបួសបាក់ជើងម្ខាងចំណែកម្នាក់ទៀតរងបួសស្រាល។ដោយឡែកយុវជន២នាក់ដែលជិះម៉ូតូបង្កបានរតគេចខ្លូនបាត់ស្រោល។
ក្រោយពេលកើតហេតុម៉ូតូត្រូវបានសមត្ថកិច្ចយកទៅរក្សាទុកនៅអធិការដ្ឋាននគរបាលខណ្ឌមានជ័យដើម្បីរងចាសោះស្រាយពេលក្រោយ៕
