យ៉ាងហោចណាស់មនុស្ស ១៥នាក់បានទទួលរងរបួស និង ផ្ទះជាង ២០ខ្នង ទៀតដួលរលំ នៅពេលដែលគ្រោះ ធម្មជាតិរញ្ជួយផែនដីកម្រិត ៥,៨នៃរង្វាស់រិចទ័រ បាន វាយប្រហារនៅផ្នែក មួយចំនួននៃខេត្ត ភាគខាងជើង, ឦសាន, និង ពាយ័ព្យ របស់ប្រទេស ប៉ាគីស្ថាន កាលពីព្រឹកថ្ងៃសុក្រ ទី២៧ ខែកុម្ភៈ ឆ្នាំ ២០១៥។ទីភ្នាក់ងារព័ត៌មានចិនស៊ិនហួ ចេញផ្សាយបន្តទៀតថា ស្រុក បាតាក្រាម នៃខេត្ត គីប៊ឺ ផាកទុនក្វា បានទទួល រងគ្រោះខ្លាំង ជាងគេ ដោយបណ្តាលឲ្យមនុស្ស ១៥នាក់រងរបួស ក្នុង នោះរួមមាន ទាំងក្មេងៗ តូចៗផងដែរ។ ភាគច្រើននៃអ្នករងរបួស
គឺដោយសារពួកគេស្នាក់ នៅក្នុងផ្ទះបាក់ បែកពេលគ្រោះរញ្ជួយដី បានកើតឡើងតែរយៈពេល ៣ ទៅ ៥វិនាទីប៉ុណ្ណោះ។តាមភ្នាក់ងារភូមិសាស្ត្រក្នុងតំបន់បានកំណត់ថា គ្រោះរញ្ជួយដីខាងលើនេះ មានចំណុច កណ្តាលស្ថិត នៅតំបន់ បាហ្វ្រា ស្ថិតនៅចម្ងាយ ៩២គីឡូម៉ែត្រពីរដ្ឋធានី អ៊ីស្លាម៉ាបាដ ហើយ ជម្រៅរបស់វាគឺ ៣២ គីឡូម៉ែត្រ។ សូមបញ្ជាក់ថា តំបន់ខាង លើ
នេះ គឺកៀកទៅនឹងតំបន់ផ្សេង ទៀតដែលធ្លាប់ទទួល រងគ្រោះរញ្ជួយដីកម្រិត ៧,៦រិចទ័រ កាលពីឆ្នាំ ២០០៥ ដែលបាន សម្លាប់ ប្រជាជនប៉ាគីស្ថាន រហូតដល់ទៅជាង ៧៥.០០០នាក់ឯណោះ៕
