កំពង់ចាម ៖ បុរសជាកម្មករ នៅរោងម៉ាស៊ីនកិនស្រូវ មួយកន្លែង បានស្លាប់ភ្លាមៗដោយសាររលំតៅម៉ាសីុនកិនស្រូវដែលមានទម្ងន់ធ្ងន់និងធំសង្កត់លើ។ ហេតុការណ៍នេះកើតឡើងកាលវេលាម៉ោង៥,៥០នាទីល្ងាចថ្ងៃទី២៦ ខែកុម្ភះ ឆ្នាំ២០១៥ ស្ថិតនៅភូមិត្រពាំងថ្មាត ឃុំស្រម៉ ស្រុកជើងព្រៃ ខេត្ដកំពង់ចាម។
លោក ប្រាក់ សុគន្ធ អធិការនគរបាល ស្រុកជើងព្រៃ បានឲ្យដឹងថា ជនរងគ្រោះ មានឈ្មោះ សុន សាវ៉ាន ភេទប្រុស អាយុ៣០ឆ្នាំ រស់នៅភូមិស្រាមជើង ឃុំស្រម៉ ស្រុកជើងព្រៃ។លោកបន្តថា ខណៈ ជនរងគ្រោះ កំពុងធ្វើការ នៅក្នុងរោង ម៉ាស៊ីនកិនស្រូវនោះ ស្រាប់តែតៅម៉ាសីុនស្រូវ បាក់សង្កត់ លើបណ្តាលឲ្យជនរងគ្រោះ ស្លាប់បាត់បង់ជីវិតនៅក្នុងគំនរស្រូវក្រោមតៅម៉ាសីុន ដោយសារតែ ទំងន់ស្រូវធ្ងន់ពេក ។
លោកបន្តឲដឹងដែរថា ក្រោយទទួលព័ត៌មានឧបដិហេតុខាងលើនេះ លោកឧត្តមសេនីយ៍ស្នងការ បែន រត្ន័ បានចាត់ ឲ្យនគរបាល ជំនាញព្រហ្មទណ្ឌ នគរបាលបច្ចេកទេស និងនគរបាល មូលដ្ឋាន ចុះទៅធ្វើការ ត្រួតពនិត្យសពនិង ស្រាវជ្រាវ រកឲ្យឃើញថាតើ ការស្លាប់របស់ជនរងគ្រោះ បណ្តាលមកពីអ្វីឲពិតប្រកដ។៕
