ភ្នំពេញ ៖ រថយន្តកាំម៉ាស ដឹកស្រាបៀ បានជិះទៅបុកពីក្រោយ ម៉ូតូស្មាស់រងរបួសមនុស្សប្រុសស្រី០២នាក់ ។ហេតុការណ៏កើតឡើង នៅវេលាម៉ោង៩និង៤២នាទីយប់ថ្ងៃ ទី២៥ មីនា ២០១៤ នៅចំណុចទល់មុខ គ្រឹះស្ថានមីក្រូហិរញ្ញវត្តុហត្ថាកសិក លីមីធីត ស្ថិតក្នុង សង្កាត់បឹងសាឡាង ខណ្ឌ
ទួលគោក ។
នៅមុនពេលកើតហេតុ គេឃើញ រថយន្តកាំម៉ាស ពណ៌ក្រហម ពាក់ស្លាកលេខ ភ្នំពេញ 4A-0017 បើកបរដោយ បុរសម្នាក់ដឹកស្រាបៀរ បានធ្វើដំណើរតាមផ្លូវ ២៧១ ពីត្បូងទៅ ជើងលុះមកដល់ចំណុច កើតហេតុ ក៏បានទៅបុកពីក្រោយម៉ូតូស្មាស ពាក់ស្លាកលេខ ភ្នំពេញ 1BC-4647 គាបម៉ូតូជាប់ ក្រោមរថយន្ត ប៉ុន្តែសំណាង ល្អអ្នកជិះម៉ូតូទាំង០២នាក់ លោតចេញ របួសស្រាល ទាំង០២នាក់។
ក្រោយពេលកើតហេតុ ជនរងគ្រោះត្រូវ បានក្រុមគ្រួសារដឹកទៅសង្គ្រោះនៅមន្ទីរពេទ្យ ចំណែក ឯរថយន្ត និង ម៉ូតូត្រូវបានសមត្ថកិច្ចយកទៅ ការិយាល័យចរាចរណ៏ ស្នងការដ្ឋាននគរបាល រាជធានីភ្នំពេញ៕
