ភ្នំពេញ ៖ កម្លាំងកងរាជអាវុធហត្ថខណ្ឌចំការមនបានចេញប្រតិបត្តិការណ៍ល្បាតក្នុងភូមិសាស្ត្រ របស់ខ្លួន ហើយឃាត់បានជនសង្ស័យ២នាក់ ដែលកំពុងពួកសម្ងំជួញដូរគ្រឿងនៅចំណុចផ្លូវ លេខ ៩៥ មុខភោជនីយ៍ដ្ឋាន ហ៊ួនណាម ក្នុងសង្កាត់បឹងត្របែក ខណ្ឌចំការមន ។ ហេតុការណ៍ នេះបាន
កើតឡើងកាលពីវេលាម៉ោង ១២ នឹង ៣០នាទី ឈានចូលថ្ងៃទី២៦ ខែមីនាឆ្នាំ ២០១៤។
ជនសង្ស័យ ២នាក់ដែលត្រូវឃាត់ខ្លួនខាងលើនេះទី១ឈ្មោះ ឈុន ម៉េងហ៊ាង ភេទប្រុស អាយុ ១៩ ឆ្នាំ និស្សិតនៅសាលាជាតិគ្រប់គ្រង ស្នាក់នៅផ្ទះជួល សង្កាត់គឺឡូម៉ែត្រលេខ ៦ ខណ្ឌឬស្សីកែវ ទី២ឈ្មោះ ម៉ិន វិបុល ភេទប្រុស អាយុ ៣៤ ឆ្នាំ មុខរបរជាងផ្សារដែក ស្នាក់នៅផ្ទះលេខ ១០៣ សង្កាត់បឹងកក់ទី ២ ខណ្ឌទួលគោក ។
ប្រភព័ត៌មានពីមន្ត្រីកងរាជអាវុធហត្ថបានឲ្យដឹងថា មុនពេលឈានដល់ការឃាត់ខ្លួនក្រុមជនសង្ស័យ ខាងលើនេះគឺកម្លាំងសមត្ថកិច្ចបានជិះម៉ូតូនានា ល្បាតក្នុងភូមិសាស្ត្ររបស់ខ្លួន ដើម្បីការពារសុវត្ថិភាពជូន ប្រជាពលរដ្ឋ ប៉ុន្តែពេលសមត្ថកិច្ចយើងល្បាតឃាត់ជនសង្ស័យទាំង ២នាក់ កំពុងឈរនៅផ្លូវបេតុង ហើយទើប ប្រទះឃើញជនសង្ស័យទាំង ២នាក់ កំពុងឈរលក់ដូរគ្រឿងញៀន នៅចំណុចកើតហេតុ ដូច្នេះសមត្ថកិច្ច ក៏សម្រេចព័ទ្ធចាបខ្លួនបានភ្លាមៗយកមកកាន់ទីបញ្ជាការកងរាជអាវុធខណ្ឌចំការមនដើម្បីបន្តការសាកសួរ ។ សមត្ថកិច្ចបញ្ចាក់ថាក្រោយធ្វើការសាកសួរយ៉ាងចិត្តទុកដាក់នោះ ជនសង្ស័យ ត្រូវបានកសាងសំណុំរឿង បញ្ជូន ទៅឃុំបណ្តោះអាសន្ននៅទីបញ្ជាការងរាជអាវុធហត្ថរាជធានីភ្នំពេញដើម្បីមានវិធានការបន្តទៀត ៕
