បន្ទាយមានជ័យៈ ស្ងាត់មួយរយៈពីការបិទច្រករបៀងរបស់ភាគីថៃ ឥលូវជាថ្មីម្តងទៀតច្រករបៀងអូរបីជាន់ ដែលស្ថិតក្នុងឃុំអូរបីជាន់ស្រុកអូរជ្រៅខេត្តបន្ទាយមានជ័យត្រូវបានភាគីថៃបានបិតមិនអោយពលរដ្ឋឆ្លងកាត់ និងទំនិញចេញចូល រយៈពេល២ថ្ងៃមកហើយ ។
បើតាមការអោយដឹងពី សមត្ថកិច្ចឈរជើងតាមបន្ទាត់ព្រំដែនកម្ពុជា-ថៃក្នុងភូមិសាស្ត្រស្រុកអូរជ្រៅ បានអោយដឹងថា ច្រកអូរបីជាន់ដែលជាច្រកមួយគ្រប់គ្រងដោយយោធា និងផ្ទាល់ពីភូមិភាគ៥ ត្រូវបានភាគីថៃជូនដំណឹងអោយខាងកម្ពុជា បិទមិនអោយពលរដ្ឋចេញចូល ឬក៏
ដោះដូរទំនិញអ្វីឡើយ ។ ចាប់តាំងពីថ្ងៃទី២៦ កុម្ភះ ២០១៥ មកដល់ថ្ងៃទី២៨នេះក៏នៅតែមិនទាន់ដំណើរការវិញដែរ ។ ការបិទច្រកនេះភាគីថៃមិនបានបិទទូទៅលើច្រករបៀងទាំងអស់ដែលនៅក្នុងភូមិសាស្ត្រខេត្តបន្ទាយមានជ័យនិងខេត្តស្រះកែវនោះទេ និយាយរួមគឺបិទតែច្រក
មួយចំនួនដែលស្ថិតនៅក្នុងភូមិសាស្ត្រឃុំអូរបីជាន់ ។ ចំណែកច្រកដទៃទៀតដែលនៅជាប់គ្នាដំណើរការធម្មតា ។ការបិទគឺត្រូវបានគេបញ្ជាក់ថា ដោយសារតែខាងភាគីថៃធ្វើការផ្លាស់ប្តូរមេតម្រួតក្នុងកងរយលេខ១២៦E១២តំរួត ត.ឆ.ដ ។សូមបញ្ចាក់ផងដែរថា ការបិទនេះផងដែរបន្ទាប់ពីអាជ្ញាធរស្រុកអូរជ្រៅរបស់កម្ពុជា និងអាជ្ញាធរស្រុកគោធ្យូងបានជួបពិភាក្សាគ្នា និងចុះរួមគ្នាដល់ចំនុចដែលត្រូវបើកច្រកតំបន់៤៣ ស្ថិតនៅក្នុងឃុំអូរបីជាន់ កាលពីថ្ងៃទី២៥ កុម្ភះ ២០១៥ ៕
