ខេត្តកំពង់ធំ. ការដឹកជញ្ជូនផលនេសាទដោយគ្មានច្បាប់ត្រូវបាន លោក សាយណូរា ព្រះរាជអាជ្ញារង អមសាលាដំបូងខេត្តកំពង់ធំ ចុះឃាត់ចំនួន. ៨ទូក កាលពីវេលាម៉ោង ៧.៣០នាទី ថ្ងៃទី ២៨ខែកុម្ភះ ឆ្នាំ២០១៥. នៅចំនុច. បង្គោលគោមឡូត៍នេសាទលេខ៣ និងក្នុងភូមិ.
ផាតសណ្តាយ ឃុំផាតសណ្តាយ ស្រុកកំពង់ស្វាយ ខេត្តកំពង់ធំ ។កិច្ចសហការបង្ក្រាបនេះត្រូវបានចូលរួមពីកំលាំងតំបន់ប្រតិបត្តិការសឹករងកំពង់ធំ កម្លាំងស្នាក់ការសន្តិសុខB06 កម្លាំងប៉ូលិសប៉ុស្តិ៍រដ្ឋបាល ឃុំផាត់សណ្តាយ ក្រោយពីការបង្ក្រាបបានវត្ថុតាងទាំងអស់ត្រូវបាននាំយកមករក្សាទុកនៅផ្នែករដ្ឋបាលជលផលផាត់សណ្តាយ ដើម្បីធ្វើកំហេតុ។
ចំណែកជនសង្ស័យទាំង៦នាក់.ជាជនជាតិវៀតណាម និងខ្មែរម្នាក់ត្រូវបានបញ្ជូនមកកាន់តុលាការ អមសាលាដំបូងខេត្តកំពង់ធំ នៅរសៀលថែ្ងដដែល សូមបញ្ជាក់ផងដែថា ករណីឈានដល់ការឃាត់ខ្លួនជនសង្ស័យទាំងនេះ គឺបណ្តាលមកពី ជនសង្ស័យបានប្រើប្រាស់ឧបករណ៍ដោយខុសច្បាប់ ក្នុងនោះមាន រុញស៊ីប រុញយ៉ាងកាវ ក្នុងដែននេសាទហាមឃាត់ និងការដឹកជញ្ជូនផលត្រីដោយគ្មានលិខិតអនុញ្ញាតិ។
តាមប្រភពពីប្រជាពលរដ្ឋ និងក្រុមអ្នកនេសាទបានឲ្យដឹងថា ការនេសាទដោយខុសច្បាប់នេះ គឺដោយមាន ការអនុញ្ញាតិពីលោក ផុន ជាមន្ត្រីបរិស្ថានបណ្តែត និងលោក ម៉ុន ជានាយរងសង្កាត់រដ្ឋបាលជលផល ពាម បាង បានបណ្តេញអ្នកនេសាទណា ដែលខ្លួនពុំមានទទួលលាភក្ការៈ និងមានមិនឲ្យចូលនេសាទជិតដែនឡូត៍នេសាទអភិរក្ស ហើយបានឲ្យលោក ទុង លោក យ៉ុង ដែលបានបង់លុយឲ្យខ្លួនចូលទៅនេសាទវិញ ទើបបណ្តាលឲ្យប្រជាពលរដ្ឋ មានការខឹងសម្បានិងមន្ត្រីពីរូបនេះ និងឈានដល់ការបង្ក្រាបដើម្បីលុបបំបាត់ ការនេសាទដោយខុសច្បាប់ ។
គួរបញ្ជាក់ផង ដែរថា បច្ចុប្បន្ន នៅក្នុងដែននេសាទទន្លេច្មារ និងដែលតំបន់ឡូត៍នេសាទ ដែលជាកន្លែងសម្រាប់អភិរក្សត្រីមេពូជ តាមប្រភពពត៍មានបាន ឲ្យដឹងថា មានមន្ត្រីមួយចំនួន បានឲ្យអ្នកនេសាទចូលទៅ នេសាទដោយខុសច្បាប់នៅពេលយប់ ដោយគិតជាម៉ោង ជាហេតុបណ្តាលឲ្យបាត់បងនូវជំនឿពីសំណាក់ ប្រជាពលរដ្ឋ ទៅលើសមត្ថកិច្ច ដែលឈរជើងការពារអភិរក្សតំបន់អភិរក្សទាំងនេះ ។
ដូច្នេះមហាជនទូទៅបានសំណូមពរ ឲ្យលោកសមត្ថកិច្ច ដែលបំរើផលប្រយោជន៍ប្រជាពលរដ្ឋ កុំមានការលំអៀង បើបិទនេសាទដែលប្រើឧបករណ៍ខុសច្បាប់ គឺត្រូវបិទទាំងអស់គ្នា បើជលផលឲ្យនេសាទគឺត្រូវ នេសាទទាំងអស់គ្នា ព្រោះវាជាសម្បត្តិរបស់ប្រទេសទាំងអស់គ្នា បើគោរពច្បាប់គឺគោរពទាំងអស់គ្នា ។
