ភ្នំពេញ៖ បុរសម្នាក់ជិះម៉ូតូឌុបប្រពន្ឋ និងកូនតូច ពីដើរលេងបំណងទៅផ្ទះវិញដោយជិះ ឆ្លងផ្លូវក៏ត្រូវយុវជនម្នាក់ ជិះម៉ូតូក្នុងល្បឿនលឿន ជ្រុលទៅបុកពេញទំហឹង បណ្តាលឱ្យ ម៉ូតូរងការខូចខាត ចំណែកម៉ូតូបង្កបានប៉ើងឡើងទៅលើឃឿន រងការខូចខាតដូចគ្នា ប៉ុន្តែសំណាងល្អ គ្រាន់តែរបួសបន្តិចបន្តួចតែប៉ុណ្ណោះ ហើយប្រកែករកត្រូវរៀងខ្លួន។ ហេតុការណ៍នេះ បានកើតឡើងកាលពីវេលាម៉ោង ១០:៥០នាទីយប់ថ្ងៃទី១ ខែមិនា ឆ្នាំ២០១៥ តាមបណ្តោយផ្លូវលេខ២៤០ ស្ថិតក្នុងសង្កាត់ចតុមុខ ខណ្ឌដូនពេញ។
យោងតាមប្រភពពត៌មានពីកន្លែងកើតហេតុ បានឱ្យដឹងថា នៅមុនពេលកើតហេតុ គេបានឃើញបុរសម្នាក់ ជិះម៉ូតូឌ្រីមសេ១២៥ ពណ៍ខ្មៅ ពាក់ស្លាកលេខភ្នំពេញ 1AQ-3833 ឌុបប្រពន្ឋ និងកូនតូច តាមបណ្តោយផ្លូវលេខ២៤០ ពីកើតទៅលិច ខណ:មកដល់ ចំណុចផ្លូវកែងក៏បានបត់ទៅខាងឆ្វេងដៃ តែបត់បានតែពាក់កណ្តាលផ្លូវ ស្រាប់់តែមាន យុវជនម្នាក់ជិះម៉ូតូ
ស្មាស់ ពណ៍ខ្មៅ ពាក់ស្លាកលេខភ្នំពេញ 1AE-6575 ជិះទិសដៅ បញ្ច្រាសគ្នាក្នុងល្បឿនលឿន ចាប់ហ្វ្រាំងមិនទាន់ក៏ជ្រុលទៅបុក ម៉ូតូឌ្រីមពេញទំហឹង បណ្តាលឱ្យរងការខូចខាត ចំណែកម៉ូតូប៉ើងឡើងទៅលើឃឿន រងការខូចខាតដូចគ្នា ប៉ុន្តែសំណាងល្អគ្រាន់តែរបួសបន្តិចបន្តួច ហើយប្រកែករកត្រូវរៀងខ្លួន។
សមត្ថកិច្ចបានឱ្យដឹងថា ក្រោយកើតហេតុភាគីទាំងសងខាង ចរចាគ្នាមិនត្រូវ ជំនាញក៏ធ្វើការវាស់វែង និងយកម៉ូតូទាំង២គ្រឿង ទៅរក្សាទុកនៅអធិការដ្ឋាននគរបាល ខណ្ឌដូនពេញ រង់ចាំដោះស្រាយនាពេលក្រោយ៕
