ភ្នំពេញ៖ យុវជនម្នាក់ត្រូវបានជនសង្ស័យ៣នាក់យកកាំបិតចាក់ឲ្យរបួសហើយប្លន់យកម៉ូតូម៉ាកសេ១២៥មួយគ្រឿងគេចខ្លួនដោយសុវត្ថិភាព កាលពីវេលាម៉ោង២៣និង២០នាទីយប់ថ្ងៃទី២៥ ខែមិនាឆ្នាំ២០១៤ នៅចំណុចផ្លូវបេតុង ខាងកើតបុរីសុភ័ក្រមង្គល់ ស្ថិតក្នុងសង្កាត់ស្ទឹងមានជ័យ
ខណ្ឌមានជ័យ។
យោងតាមប្រភពពត៌មានពីកន្លែងកើតហេតុបានឲ្យដឹងថា មុនពេលកើតហេតុជនរងគ្រោះបានជិះម៉ូតូមួយគ្រឿងម៉ាកសេ១២៥ សេរីឆ្នាំ២០១២ ពណ៌ខ្មៅ ពាក់ស្លាក់លេខភ្នំពេញ1BN-2015 ជិះម្នាក់ឯងតាមបណ្ដោយផ្លូវបេតុងលុះមកដល់ចំណុចកើតហេតុស្រាប់តែលិចមុខជនសង្ស័យ៣នាក់ប្រដាប់ដោយកាំបិតមួយដើមបានមកស្ទាក់ពីមុខម៉ូតូជនរងគ្រោះហើយយកកាំបិតមកចាក់ទៅលើជនរងគ្រោះចំនួន២កាំបិតបណ្ដាលឲ្យរងរបួសរួចដណ្ដើមយកម៉ូតូគេចខ្លួនដោយសុវត្តិភាព។
ក្រោយពេលកើតហេតុសមត្ថកិច្ចកំពុងស្រាវជ្រាវតាមចាប់ជនល្មើស ដើម្បីយកមកផ្តន្ទាទោសតាមផ្លូវច្បាប់៕
