ក្រចេះ៖ កម្លាំងអធិការរដ្ឋាននគបាលស្រុកចិត្តបុរី និងមន្ត្រីប៉ុស្តិ៍រដ្ឋបាលឃុំដារ ដឹកនាំដោយ លោក ធុច បញ្ជៈសន្តិភាព ព្រះរាជអាជ្ញារងអមសាលាដំបូងខេត្ត បានចុះ ឆែកឆេរផ្ទះរបស់អ្នកកាតកាសែតមួយរូប នៅចំណុចភូមិស្ទឹងស្វាយ ឃុំដា ស្រុកចិត្របុរី ខេត្តក្រចេះ កាលពីព្រឹកថ្ងៃទី០២ ខែមិនា ឆ្នាំ២០១៥ ។
បុរសម្នាក់ដែលអះអាងខ្លួនថា ជាអ្នកសារព័ត៌មានមួយរូប និងស្រីស្នេហ៍ម្នាក់ទៀត ត្រូវកម្លាំងនគរបាលស្រុកចិត្របុរី ចាប់ឃាត់ខ្លួនលើមុខសញ្ញាជួញដូរគ្រឿងញៀនមន្ត្រីនគបាលនៃអធិការរដ្ឋានស្រុកចិត្របុរី បានអោយដឹងថាជនសង្ស័យ ទាំងពីរនាក់ គឺត្រូវ ឆ្មក់ចូលទៅបង្ក្រាបបាននៅក្នុងលំនៅដ្ឋាន មួយកន្លែង ស្ថិតក្នុង ស្រុកចិត្របុរី ខណះដែលពួកគេទាំងពីរនាក់កំពុងធ្វើសកម្មភាពជក់គ្រឿងញៀន។
លោក វរសេនីយ៍ត្រី ស្រឺ ជាលី អធិការរងព្រហ្មទណ្ឌ នៃអធិការរដ្ឋានស្រុកចិត្របុរី បានឲ្យដឹងថា ជនសង្ស័យទាំងពីនាក់ ដែលសមត្ថកិច្ចឃាត់ នេះគឺជាមុខសញ្ញាជួញដូរគ្រឿង ញៀនយ៉ាងសកម្ម ដែលសមត្ថកិច្ច តាមប្រមាញ់នាពេលកន្លងមកលោក អធិការរងបន្តរថា ជនសង្ស័យ ឈ្មោះ ម៉ុក លី អាយុ៣២ឆ្នាំ មានទីលំនៅសង្កាត់ក្រគរ ក្រុងក្រចេះ ហើយជនសង្ស័យម្នាក់នេះបានតាំងខ្លួនថា ជា អ្នកសារព័ត៌មានក្នុងអង្គភាពតាព្រហ្មប្រចាំខេត្តក្រចេះ និងនារីជាស្រីស្នេហ៍ឈ្មោះ លី ផាន់ណេត អាយុ២៧ឆ្នាំ រស់នៅក្នុងឃុំដារ ស្រុកចិត្របុរី។
នៅក្នុងការចុះបង្ក្រាបខាងលើនេះ សមត្ថកិច្ចបានឆែកឆេររកឃើញថ្នាំញៀនប្រភេទម៉ាទឹកកកចំនួន២កញ្ចប់ធំ ម៉ូតូ១គ្រឿង និងសម្ភារសម្រាប់ជក់គ្រឿងញៀនមួយចំនួនធំ ហើយជនប្រុសស្រីទាំងពីរនាក់ សមត្ថកិច្ច នាំខ្លួនមកសាកសួរនៅអធិការដ្ឋានដើម្បីកសាងសំណុំ រឿងបញ្ជូនខ្លួនបន្ត៕
សមត្ថកិច្ចបញ្ជាក់ថា ជនសង្សយ័គឺជាមុខសញ្ញារចែកចាយគ្រឿងញៀនយ៉ាងសកម្ម នៅក្នុងមូលដ្ឋាន ហើយជនសង្ស័យក៍ជាមុខសញ្ញាចាស់ដែលធ្នាប់បានជាប់ពន្ឋធានាគារម្តងរួចមកហើយ ពីបទមនុស្សឃាត ។
