ករណីគ្រោះថ្នាក់ចរាចរណ៍មួយ ដែលបង្កទ្បើងដោយរថយន្តកុងតឺន័រ របស់ក្រុមហ៊ុន សូងួន ដោយបើកបុករនាំងចែកទ្រូងស្ពាន បណ្តាលឲ្យក្រទ្បាប់ចាក់ កុងតឺន័រធ្លាក់ចូលទឹក ខូចទំនិញអស់រាប់ម៉ឺនដុល្លា និងបាក់បង្កាន់ដៃស្ពាន ជិត១០ម ។ ហេតុការណ៍គ្រោះថ្នាក់ចរាចរណ៍នេះ បានកើត
ទ្បើងកាលពីវេលាម៉ោង ១និង៣០នាទីរំលងអាធាត្រ ថ្ងៃទី២៥ ខែមិនា ឆ្នាំ២០១៤ ស្ថិតនៅចំណុចលើស្ពានប្រសូត្រ ភូមិប្រសូត្រ១ ឃុំសំបូរស្រុក ស្វាយទាប ខេត្តស្វាយរៀង ។
សមត្ថកិច្ចនគរបាលស្រុកស្វាយទាប បានប្រាប់ឲ្យដឹងថា រថយន្តកុងតឺន័រ ដែលក្រទ្បាប់ធ្លាក់កុងតឺន័រ ចូលទឹកព្រែកនេះ ម៉ាក ហីណូ ពាក់ស្លាក់លេខ ភ្នំពេញ 3A-2005 ពណ៌ស ជារបស់ក្រុមហ៊ុន សូងួន បើកបរដោយឈ្មោះ ស៊ីម ធឿន ភេទប្រុស អាយុ២៥ឆ្នាំ មានទីលំនៅ ក្នុងភូមិអំពិលជុំ ស្រុកអូរាំងឳ ខេត្តកំពង់ចាម ។
ប្រភពដដែលបានឲ្យដឹងទៀតថា មុនពេលកើតហេតុ គេឃើញមានរថយន្តកុងតឺន័រមួយគ្រឿង បើកបរពីលិចទៅកើត ខណៈដែលមកដល់កន្លែងកើតហេតុ ស្រាប់តែអ្នកបើកបរងងុយដេក ងោកបុកចង្កូតរថយន្ត ស្រាប់តែរេចង្កូត ទៅបុកទ្រូងស្ពាន ផ្អៀងរថយន្តក្រទ្បាប់កុងតឺន័រ ធ្លាក់ចូលក្នុងទឹកតែម្តង់ ។
ក្រោពេលកើតហេតុភ្លាមៗ សមត្ថកិច្ចនគរបាលចរាចរណ៍ស្រុកស្វាយទាប បានចុះមកអន្តរាគមន៍ ស្ទូចយកកុងតឺន័រពីក្នុងទឹក និងបានយករថយន្តបង្ករហេតុ ទៅរក្សារទុកនៅអធិការ នគរបាលស្រុកស្វាយទាប ដើម្បីម្ចាស់រថយន្តចូលខ្លួនទៅដោះស្រាយទៅតាមផ្លូវច្បាប់ ៕