កាលពីថ្ងៃអាទិត្យម្សិលមិញនេះ ប្រធានាធិបតី ប្រទេសអ៊ុយរូហ្គាយថ្មី លោក Tabare Vazquez បាន ស្បថចូលកាន់តំណែងជាផ្លូវការហើយ នៅរដ្ឋធានីម៉ុងទេវីដេអូ អាមេរិក ខាងត្បូងមួយនេះ ។
ទីភ្នាក់ងារសារមានចិន ស៊ិហួ ចេញផ្សាយ ថ្ងៃទី០២ ខែកុម្ភៈ ឆ្នាំ២០១៥ ឲ្យដឹងទៀតថា ប្រធានាធិបតីវ័យ ៧៥ ឆ្នាំ ដែលមានជំងឺមហារីកប្រចាំកាយរូបនេះ បានស្បថចូលកាន់តំណែង ក្នុងអំឡុងពេលពិធីមួយនៅ រដ្ឋសភាជាតិ កាលពី ថ្ងៃអាទិត្យ ហើយពិធីសច្ចាប្រណិធាន ក៏បានធ្វើឡើងនៅម៉ោង ១២និង៤៦នាទីរសៀលថ្ងៃដដែលនោះដែរ ដោយមាន ការចូលរួម ពី
ប្រធានាធិបតី នៃប្រទេសតំបន់អាមេរិចឡាទីនផ្សេងទៀត ជាច្រើនរូប ក្នុងនោះថ្នាក់ដឹកនាំ ប្រទេសប្រេ ស៊ីល លោកស្រី ឌីលម៉ា រ៉ូសែហ្វ ថ្នាក់ដឹកនាំប្រទេសគុយបា លោក រ៉ូល កាស្ត្រូ និងថ្នាក់ដឹកនាំប្រទេសឈីលី ក៏បាន ចូលរួមផងដែរ ។
ការស្បថចូលកាន់តំណែងនេះ ជាលើកទីពីរហើយ ដែលរូបលោកបានចូលកាន់តំណែង ជាប្រធាធិបតីនៃ ប្រទេស អ៊ុយរូហ្គាយ ។ ដែលអាណត្តិដំបូងរបស់លោកគឺនៅចន្លោះឆ្នាំ២០០៥ និង ២០១០ ហើយនៅក្នុង អាណត្តិ ២០១០ និង២០១៥ ក្រោមការដឹកនាំរបស់លោក ម៊ួជីកា ក៏បានប្រគល់អំណាចឲ្យទៅលោក Tabare Vazquez ដើម្បីឲ្យប្រជា ជនអ៊ុយរូហ្គាយ គាំទ្រដល់ប្រធានាធិបតីថ្មី ៕
