ខេត្តប៉ៃលិន ៖ ភ្លៀងកក់ខែមួយមេលាយលំនឹងខ្យល់កន្ត្រាក់យ៉ាងខ្លាំង បណ្តាលឱ្យប៉ើងដំបូលផ្ទះប្រជាពលរដ្ឋចំនួន២០ខ្នង និងសាលារៀន១ខ្នង ព្រមទាំងធ្វើឱ្យមនុស្សប្រុសស្រីពីរនា ក់រងរបួសស្រាល ។
ហេតុការណ៍ខ្យល់កន្ត្រាក់ខាងលើនេះ បានកើតឡើងកាលពីវេលាម៉ោង៦ និង៣០នាទី ល្ងាចថ្ងៃទី០១ ខែមីនា ឆ្នាំ២០១៥នេះ ស្ថិតនៅភូមិប៉ាងរលឹម និងភូមិដីក្រហម សង្កាត់អូរតាវ៉ៅ ក្រុងប៉ៃលិន ។
ប្រភពព័ត៌មានពីលោក ឌី ម៉េងអ៊ីម មេភូមិប៉ាងរលឹម បានឱ្យដឹងថា នៅវេលាម៉ោង៦និង៣០នាទីល្ងាច ថ្ងៃកើតហេតុ គេសង្កេតឃើញមានមេឃខ្មៅងងឹតស្លុងស្លុប លាយឡំជាមួយនឹងផ្គរលាន់យ៉ាងខ្លាំង ថែមទាំងមានផ្លេកបន្ទោរភ្លឺព្រាកៗ ធ្វើឱ្យប្រជាពលរដ្ឋមានការភ័យតក់ស្លុត ដោយម្នាក់ៗ ស្ទើរតែមិនហ៊ានចេញពីក្នុងផ្ទះ លុះមួយសន្ទុះក្រោយមក ស្រាប់តែមានខ្យល់
កន្ត្រាក់បានបក់បោកយ៉ាងខ្លាំងក្នុងទិសដៅពីលិចទៅកើត បណ្តាលឱ្យប៉ើងដំបូលផ្ទះប្រជាពល រដ្ឋនៅភូមិប៉ាងរលឹមចំនួន១៩ខ្នង ដែលក្នុងនោះខូចខាតធ្ងន់ធ្ងរចំនួន៤ខ្នង សាលារៀនអនុវិទ្យាល័យប៉ាងរលឹម១ខ្នង ប៉ើងអស់ក្បឿងចំនួនប្រហែល៦០ដុំ និងប៉ើងដំបូលផ្ទះប្រជាពលរដ្ឋនៅភូមិដីក្រហមអស់ចំនួន១ខ្នងផងដែរ ។
លោកបន្តទៀតថា ចំនួនខូចទ្រព្យសម្បត្តិមិនដឹងច្បាស់នៅឡើយទេ នៅព្រឹកថ្ងៃទី០២ ខែមីនា នេះ ខាងសាខាកាកបាទក្រហមខេត្តប៉ៃលិន បានចុះទៅធ្វើកំណត់ហេតុ និងប្រមូលទិ ន្នន័យ ចំនួនខ្នងផ្ទះដែលរងការខូចខាត និងព្រទ្យសម្បត្តិដែលបាត់បង់ ដើម្បីនាំយកអំណោយ ទៅចែកជូននិងធ្វើជួសជុលឱ្យប្រជាពរលដ្ឋស្នាក់ជាបណ្តោះអាសន្នសិន ។
អាជ្ញាធរសូមអំពាវនាវដល់បងប្អូនប្រជាពលរដ្ឋទាំងអស់សូមមេត្តាប្រុងប្រយ័ត្នឱ្យបានខ្ព ស់ដើម្បីជៀសវាងគ្រោះធម្មជាតិនានា ដែលបានកើតឡើង ព្រោះរដូវភ្លៀងកក់ខែនេះ សំបូរទៅ ដោយខ្យល់កន្ត្រាក់ និងរន្ទះផងដែរ ៕
