ភ្នំពេញ៖គ្រោះថ្នាក់ចរាចរមួយដែលបង្កឡើងរវាងម៉ូតូហុងដាFTRជិះដោយបុរស២នាក់ក្នុងស្ថានភាពស្រវឹងជិះក្នុងល្បឿនលឿនមកបុកចំពីក្រោយម៉ូតូស្មាសវីពេញទំហឹងបណ្តាលឲ្យភាគីខាងម៉ូតូស្មាសវី រងរបួសធ្ងន់និងភាគីខាងម៉ូតូហុងដាFTRរងរបួសស្រាលទាំង២នាក់។ ហេតុការណ៏នេះបាន កើតឡើងកាលពីវេលាម៉ោង៧និង៥០នាទីយប់ ថ្ងៃទី០១ ខែមីនា ឆ្នាំ២០១៥ នៅតាមបណ្តោយផ្លូវ ជាតិលេខ៣ភូមិព្រៃព្រីងខាងត្បូងស្ថិតក្នុងសង្កាត់ចោមចៅខណ្ឌពៅធិ៍សែនជ័យ។
ប្រភពពត៌មានពីកន្លែងកើតហេតុបាបឲ្យដឹងថានៅមុនពេលកើតហេតុគេបានឃើញបុរស២នាក់ជិះ ម៉ូតូហុងដាFTR មួយគ្រឿងពណ៌ខៀវពាក់ស្លាកលេខភ្នំពេញ 1CP-2117 ក្នុងស្ថានភាពស្រវឹង ហើយជិះក្នុងល្បឿនលឿនក្នុងទិសដៅពីត្បូងទៅជើងលុះមកដល់ចំណុចកើតហេតុក្បែរនិងស្ថានីយ៍ប្រេងឥន្ឋនៈតេលាក៏ទៅបុកជាមួយនិងម៉ូតូស្មាសវីពណ៌សពាក់ស្លាកលេខ
ភ្នំពេញ 1CO-0269 ជិះដោយបុរសម្នាក់ក្នុងទិសដៅពីត្បូងទៅជើងស្របទិសគ្នាចំពីក្រោយពេញទំហឹងបណ្តាលឲ្យភាគី ខាងម៉ូតូស្មាសវីរងរបួសធ្ងន់ដេកស្តូកនៅនិងកន្លែងឯភាគីខាងម៉ូតូហុងដាFTRរងរបួសស្រាលម្នាក់ និងម្នាក់ទៀតរងរបួសបែកមុខបែកមាត់ចំណែកម៉ូតូទាំង២គ្រឿងរងការខូចខាតទាំងសងខាង។
ក្រោយពេលកើតហេតុជនរងគ្រោះរងរបួសធ្ងន់ត្រូវបានរថយន្តសាមុយដឹកយកទៅសង្គ្រោះនៅ មន្ទីរពេទ្យចំណែកម៉ូតូទាំង២គ្រឿងត្រូវបានសមត្ថកិច្ចធ្វើការវាស់វែងយកទៅរក្សាទុកនៅអធិការដ្ឋាននគរបាលខណ្ឌពោធិ៍សែនជ័យដើម្បីដោះស្រាយគ្នានៅពេលក្រោយ៕
