បុរសម្នាក់ជិះម៉ូតូវីវ៉ាមួយគ្រឿង ក្នុងល្បឿនលឿន ទាំងស្ថានភាពស្រវឹងស្រាជោគជាំ បានជ្រុលបុកយុវជនម្នាក់ ដែលកំពុងជិះកង់ បណ្តាលឲ្យរងរបួសទាំងសងខាង ។ ហេតុការណ៍នេះ បានកើតឡើងកាលពីវេលាម៉ោង២១និង១នាទីយប់ ថ្ងៃទី២ ខែមិនា ឆ្នាំ២០១៥ នៅចំណុចលើស្ពានអាសកាស ស្ទឹងមានជ័យ ស្ថិតក្នុងសង្តាត់បឹងសាឡាង ខណ្ឌទួលគោក ។
តាមសាក្សីនៅកន្លែងកើតហេតុ បានឲ្យដឹងថា មុនពេលកើតហេតុ គេបានឃើញយុវជនម្នាក់ ជិះកង់ធ្វើដំណើរតាមបណ្តោយផ្លូវលេខ២៧១ ក្នុងទិសដៅពីកើតទៅលិច ហើយឡើងលើស្ពាន
អាកាសស្ទឹងមានជ័យ ខណៈមកដល់ចំណុចគល់ស្ពានខាងលិច ស្រាប់តែមានបុរសម្នាក់ ជិះម៉ូតូម៉ាកវីវ៉ា ពណ៌ខ្មៅ ពាក់ស្លាកលេខ ក ៦៧៧៥ កច១ ធ្វើដំណើរស្របទិសគ្នា ក្នុងល្បឿន
លឿនទាំងស្ថានភាពស្រវឹងស្រាជោគជាំ បានជ្រុលបុកយុវជន ដែលជិះកង់ពីក្រោយពេញទំហឹង បណ្តាលឲ្យដួលបោកក្បាលទៅនិងថ្នល់ រងរបួសធ្ងន់ និងស្រាល ។
ក្រោយពេលកើតហេតុ ភាគីទាំងសងខាង បានធ្វើការសម្របសម្រួលគ្នា ដោយភាគីខាងម៉ូតូបង្ក បានចេញថ្លៃព្យាលបាល ទៅលើភាគីខាងជនរងគ្រោះ ដើម្បីបញ្ចប់រឿងនៅកន្លែងកើតហេតុ ៕
