រថយន្តតាក់ស៊ីមួយគ្រឿង បើកគៀរថយន្តកុងតឺន័រ បណ្តាលឲ្យរងការខូចខាតទាំងសងខាង នៅចំណុចវង្វង់មូលចោមចៅ ស្ថិងក្នុងសង្កាត់ចោមចៅ ខណ្ឌពោធិ៍សែនជ័យ កាលពីវេលាម៉ោង២និង២០នាទីរសៀល ថ្ងៃទី២ ខែមិនា ឆ្នាំ២០១៥ ។
តាមសាក្សនៅកន្លែងកើតហេតុ បានឲ្យដឹងថា មុនពេលកើតហេតុ គេបានឃើញរថយន្តកុងតឺន័រមួយគ្រឿង ពាក់ស្លាកលេខ ភ្នំពេញ 3A-1979 ធ្វើដំណើរតាមបណ្តោយផ្លូវជាតិលេខ៤ ក្នុងទិសដៅពីលិចទៅកើត ហើយបានបើកបំរុងឆ្លងទៅផ្លូវវេងស្រេង ក៏មានរថយន្តកាក់ស៊ី
មួយគ្រឿង ពាក់ស្លាកលេខ ភ្នំពេញ 2B-9250 បើកតាមបណ្តោយផ្លូវជាតិលេខ៣ បំណងឆ្លងទៅផ្លូវសហព័ន្ធរុស្ស៊ី ក៏ប៉ះគ្នាគាប់ជាប់គ្នា បណ្តាលឲ្យរងការខូចខាត តែសំណាងល្អ មិនបង្កឲ្យរងរបួសដល់មនុស្ស ។
ក្រោយពេលកើតហេតុ រថយន្តទាំង២គ្រឿង ត្រូវបានសមត្ថកិច្ច ចុះមកដល់ចំណុចកើតហេតុ យកទៅរក្សាទុកនៅអធិការដ្ឋាននគបាល ខណ្ឌពោធិ៍សែនជ័យ ដើម្បីរងចាំដោះស្រាយនៅពេលក្រោយ ៕
