បន្ទាយមានជ័យ៖ កាលពីព្រឹកថ្ងៃទី២៦ខែមិនាឆ្នាំ២០១៤វេលាម៉ោង៩និង២០នាទីមានករណីផ្ទុះគរាប់មីន១កន្លែងនៅចំណុចព្រំដែនកម្ពុជាថៃស្ថិតក្នុងភូមិសាស្ត្រប៉ុស្តិ៍នគរបាលការពារព្រំដែនគោកវរសេនាតូចលេខ៩១១ចំណុចឈរជើងTA57.29 ដែលជាតំបន់ចំការមីនស្ថិតក្នងភូមិច
ក់ពកឃុំស្លក្រាមស្រុកស្វាយចេកខេត្តបន្ទាយមានជ័យ ហេតុការណ៏ផ្ទុះនោះបានបង្កឲ្យមនុស្សប្រុសស្រីចំនួន៣នាក់រងរបួសជាទម្ងន់។
១ឈ្មោះ អាន់ ភេទស្រីអាយុ២៨ឆ្នាំរស់នៅភូមព្រាលឃុំតាប្យាស្រុកតាប្យាខេត្តស្រះកែវប្រទេសថៃរងរបួសដាច់ជើងឆ្វេងបាក់ជើងខាងស្តាំនិងបាក់ដៃឆ្វេង២ឈ្មោះបាក់ ឆានី ភេទស្រីអាយុ១០ឆ្នាំបានរងរបួសត្រង់កំប៉េះគូថមានលំនៅភូមិចក់ពកឃុំស្លក្រាមស្រុកស្វាយចេកខេត្តបន្ទាយមានជ័យនិងទី៣ឈ្មោះបាក់ឆាណៃ ប្រុសអាយុ០៨ឆ្នាំមានលំនៅភូមិឃុំខាងលើរងរបួសពេញដងខ្លួន ។
លោក សូចាន់ណារី មេបញ្ជាការនៃនគរបាលការពារព្រំដែកគោកលេខ៩១១បានឲ្យខ្មែរដេលីដឹងនៅថ្ងៃទី២៦មិនាឆ្នាំ២០១៤នេះថា៖មូលហេតុដែលបណ្តាលឲ្យមានករណីផ្ទុះគ្រាប់មីននេះឡើងដោយសារជនទាំង០៣នាក់នោះបានដើរចាក់អង្ក្រង់ក្នុងដីព្រៃដែនជាចំការមីនមិនទាន់បានដោះ ។លោកបានបន្តទៀតថា៖ជនរងគ្រោះខាងលើត្រូវបានដឹកយកទៅសង្គ្រោះបន្ទាន់មន្ទីរពេទ្យស្រុកអារញ្ញខេត្តស្រះកែវប្រទេសថៃ។
ចំណែកប្រជាពលរដ្ឋនៅកន្លែងកើតហេតុបានឲ្យដឹងថា៖គ្រួសារខាងលើគឺជាគ្រួសារក្រីក្រហើយពួកគាត់តែងតែដើរចាក់អង្ក្រង់ដើម្បីដូរអង្ករគេនៅតាមភូមិ ប៉ុន្តែថ្ងៃនេះសំណាងអាក្រក់ដែលពួកគេបានដើរទៅតំបន់នៅតាមព្រំដែនកម្ពុជាថៃដែលពោពេញដោយគ្រាប់មីនដែលបានកប់កាលពីសម័យសង្គ្រាមឆ្នាំ១៩៨០មកម្លេះ ។ ប្រជាពលរដ្ឋទាំងនោះបានបន្តទៀតថា៖ពួកគាត់ចង់ឲ្យអាជ្ញាធរពន្លឿនក្នុងការដោះគ្រាប់មីននៅតាមតំបន់ដែលមានប្រជាពលរដ្ឋរស់នៅដើម្បីស្រួលងាយក្នុងការអភិវឌ្ឍន៏ ៕
