បន្ទាយមានជ័យ:មន្ត្រីម្នាក់ៗត្រូវចេះកសាងស្នាដៃដែលល្អរបស់ខ្លួនទុកជាកេរតំណែលដល់ជំនាន់ក្រោយៗទៀត។ដូចខ្លួនឯកឧត្ដមអភិបាលផ្ទាល់ ឯកឧត្ដមថាក្នុងអណត្តិខ្លីរបស់លោកៗនឹងរួមជាមួយមន្ត្រីព្រមទាំងអ្នកពាក់ព័ន្ធកសាងផ្លូវអបស្ទឺងសិរីសោភ័ណអោយបានទោះលំបាក ហើយរងការប្រឆាំងរី:គន់យ៉ាងណាក្ដី លើកឡើងដូច្នេះក្នុងពិធីប្រកាស អភិបាលរងស្រុក២នាក់ទៀតទទួលបានការតែងតាំងនិងប្រកាសចូលកាន់តំណែងកាលពីល្ងាចថ្ងៃទី៣មីនា ២០១៥ ។
លោក លី សុវណ្ណារិទ្ធិ អភិបាលស្រុកព្រះនេត្រព្រះនិយាយស្វាគមន៍ថា:ក្នុងស្រុកមានធនធានធម្មជាតិនិងសក្តានុពលច្រើនដែរ តែត្រូវការទុនវិនិយោគនិងធនធានមនុស្សសម្រាប់ដឹកនាំ អនុវត្តអោយរីកចម្រើនកើនទាំងជីវភាពពលរដ្ឋនិងសេដ្ឋកិច្ច សង្គមកិច្ច។
លោក ណង វុទ្ធី នាយកទីចាត់ការធនធានមនុស្សសាលាខេត្តបន្ទាយមានជ័យ អានប្រកាសក្រសួងមហាផ្ទៃដែលតែងតាំង លោកហែម សារិន អតីតមេឃុំឈ្នួរមានជ័យឡើងជាអភិបាលរងស្រុកព្រះនេត្រព្រះនិងតែងតាំងអ្នកស្រី កែវ មុន្នីចិន្តា អតីតមន្ត្រីសុខាភិបាលជាអភិបាលរងស្រុកនេះដែរ។
លោក ហែម សារិន កត់សម្គាល់នូវការដឹងគុណ អរគុណនិងរំពឹងទុកថាត្រូវខិតខំអោយអស់លទ្ធភាពសមត្ថភាពបំពេញការងារបម្រើពលរដ្ឋនិងទទួលខុសត្រូវខ្ពស់។
ឯកឧត្ដម គោស៊ុំ សារឿត អភិបាលខេត្តបន្ទាយមានជ័យនិយាយថា:ក្នុងដែនសមត្ថកិច្ចខ្លួន មន្ត្រីត្រូវតែធ្វើការងារដោយគោរពអនុវត្តតាមច្បាប់ តាមការណែនាំរបស់ថ្នាក់លើនិងថ្នាក់ដែលខ្លួនត្រូវមានគណនេយ្យភាពចំពោះ។
ឯកឧត្ដម គោស៊ុំ សារឿត និយាយបន្ថែមថា:ដូចដែលមន្ត្រីគ្រប់ គ្នាយក់ជ្រាបពីតួនាទីភារកិច្ច ខ្លួនហើយ។មន្ត្រីត្រូវធ្វើអ្វីៗអោយរាស្ត្រស្រឡាញ់ អោយជឿទុកចិត្តនិងបានជាទីកក់ក្តៅផង៕
