កំពង់ធំ៖ ហេតុការណ៍ គ្រោះថ្នាក់ចរាចរមួយ បង្ករដោយម៉ូតូ ២គ្រឿង បានបញ្ជេញកំហឹងដាក់គ្នា បណ្តាល ឲ្យមានមនុស្ស ចំនួន ៣នាក់ រងរបួសធ្ងន់ និង២នាក់របួសស្រាល នៅចំនុចភូមិ បល្ល័ង្គ សង្កាត់ ដំរីជាន់ខ្លា ក្រុងស្ទឹងសែន ខេត្តកំពង់ធំ ។ ជនរងគ្រោះត្រូវបានគេស្គាល់ទី ១ឈ្មោះ ជា ទី ភេទស្រី អាយុ ១៥ឆ្នាំ របួសធ្ងន់ ទី២ឈ្មោះ ជា ឡង ភេទ ស្រី អាយុ ២០ឆ្នាំ
របួសស្រាល រស់នៅភូមិឃុំ កើតហេតុ ជាអ្នកបើកបរ ម៉ូតូ ម៉ាកវេវ ពណ៌ ខ្មៅ អត់ស្លាកលេខ បានបើកបរ ក្នុងទិសដៅពីត្បូង ទៅជើង លុះមក ដល់កន្លែងកើតហេតុ ក៏បានបទឆ្វេង ដើម្បីមកទទួលប្អូនចេញពីសាលារៀន ។
ការបើក ដោយមិនបានមើលមុខ មើលក្រោយក៏បណ្តាលឲ្យ ម៉ូតូមួយគ្រឿងម៉ាកសេ១២៥ ពណ៌ ខ្មៅ សេរី ឆ្នាំ ២០០៨ ដែលកំពុងតែធ្វើដំណើរ យ៉ាងលឿន ក្នុងទិសដៅបញ្ជ្រាស់ទិសគ្នា បានបុកយ៉ាងពេញ ទំហឹង ដែលបើកបរដោយឈ្មោះ ហឹង គន្ធា ភេទ ប្រុស អាយុ ២៣ឆ្នាំ ដើម្បីវិលត្រឡប់ទៅផ្ទះវិញ រួមជាមួយ ឈ្មោះ ឈយ សារ៉ាន់ ភេទ ស្រីអាយុ ២២ឆ្នាំ ជាប្រពន្ឋ និង
ប្អូនជីដូនមួយ ម៉េត ធារី ភេទ ស្រី អាយុ ១៨ឆ្នាំ រស់នៅភូមិ ត្បូងក្រពើ ឃុំ កកោះ ស្រុកសន្ទុក ខេត្តកំពង់ធំ ។ ហេតុការណ៍គ្រោះថា្នក់នេះ បណ្តាលឲ្យមនុស្ស៣នាក់ រងរបួសធ្ងន់ ក្រោយពីកើតហេតុ ជនរងគ្រោះ ត្រូវបានបញ្ជូនមកកាន់ មន្ទីរពេទ្យ ខេត្តដើម្បីសង្គ្រោះបន្ទាន់ ។ 
