រដ្ឋមន្ដ្រីការបរទេសរុស្ស៊ីលោកសឺហ្គេយ៍ ឡាវរ៉ូវ បានថ្កោលទោសដល់អ្នកតាក់ តែងសុន្ទរកថាសម្រាប់ប្រធានាធិបតី អូបាម៉ាថា មិនបានក្ដោបក្ដាប់ព័ត៌មាន ឱ្យគ្រប់ជ្រុងជ្រោយ។ ចំណែកលោកអូបាម៉ា មិនបានប្រើប្រាស់ពាក្យពេចន៍ឱ្យសម ស្របជុំវិញករណីបាញ់សម្លាប់មេបក្ស ប្រឆាំងរុស្ស៊ីលោក Boris Nemtsov ។
ការធ្វើឃាតមេបក្សប្រឆាំងរុស្ស៊ីជា ឃាតកម្មដែលបានរៀបចំទុកជាមុន ទាំង នោះហើយទើបឃាតកបាញ់សម្លាប់បានយ៉ាងងាយស្រួលសម្រាប់កាមេរ៉ាសុវត្ថិភាពនៅជុំវិញទីនោះក៏ខូចដោះយកទៅ ជួសជុល ចំណែកកាមេរ៉ាដែលនៅសល់ ស្រពេចស្រពិលមើលមិនច្បាស់ជារឿងនាំឱ្យមាន មន្ទិលសង្ស័យ ។
ប្រធានាធិបតីអូបាម៉ាបានថ្លែងថា ការធ្វើឃាតមេបក្សប្រឆាំងរុស្ស៊ីជាហេតុ ការណ៍ដែលកើតឡើងនៅក្នុងបរិយាកាស មួយនៅប្រទេសរុស្ស៊ីដែលរដ្ឋាភិបាល ចាំបាច់ត្រូវតែធ្វើឱ្យស្ថានភាពទាំងនោះ ប្រសើរឡើងវិញ មិនត្រូវទុកឱ្យមេបក្ស ប្រឆាំងក្នុងប្រទេសរុស្ស៊ីរងការគំរាម កំហែងបែបនេះទៀតឡើយ ។
នៅក្នុងព្រឹត្ដិការណ៍មួយផ្សេងទៀតដែល ពាក់ព័ន្ធដែរនោះបណ្ដាឯកអគ្គរដ្ឋទូតមកពីសហគមន៍អឺរ៉ុបនិងមេដឹកនាំជាច្រើន ប្រទេសរួមជាមួយប្រជាពលរដ្ឋរាប់ម៉ឺននាក់បានចូលរួមជូនដំណើរចុងក្រោយ មេបក្សប្រឆាំង Boris Nemtsov ដែល រងការបាញ់សម្លាប់កាលពីថ្ងៃទី២៧ ខែ កុម្ភៈ ។
ពិធីដង្ហែសពលោក Boris Nemtsov នៅព្រឹកថ្ងៃទី៣ ខែមីនា ឆ្នាំ២០១៥ ក្នុង ទីក្រុងមូស្គូ ប្រទេសរុស្ស៊ី ដោយដង្ហែយក ទៅបញ្ចុះនៅកន្លែងបញ្ចុះសពក្នុងទីក្រុងមូស្គូ ។ ស្លាក់ព្រលឹងរបស់លោក Boris Nemtsov បានដាក់នៅមជ្ឈមណ្ឌល Sakharov ដែលជាសារមន្ទីរសម្រាប់ សិទ្ធិមនុស្សនិងមេបក្សប្រឆាំងដ៏ល្បីល្បាញ ពីជំនាន់អតីតសហភាពសូវៀតលោក Andrei Sakharov ។
ពលរដ្ឋរុស្ស៊ីបានចាត់ទុកថា មរណ ភាពរបស់មេបក្សប្រឆាំងគឺជាការបាត់ បង់យ៉ាងធំធេងសម្រាប់ពលរដ្ឋរុស្ស៊ី ។ សំឡេងប្រឆាំងទៅនឹងទង្វើខុសឆ្គងរបស់ រដ្ឋាភិបាលនឹងត្រូវបាត់បង់បន្ដិចម្ដ្ដងៗ9
