ប្រធានក្រុមអ្នករុករកអូស្ដ្រាលីបាន បញ្ជាក់កាលពីថ្ងៃទី៣ ខែមីនាថា ការ ស្វែងរកយន្ដហោះបាត់ខ្លួនMH370 ស្ថិតនៅបាតសមុទ្រក្នុងទ្រង់ទ្រាយធំ រហូតមកដល់ពេលនេះនៅសល់តែនាវាពីរបីគ្រឿងនោះគឺនៅមិនទាន់រកឃើញ បំណែកនៃយន្ដហោះនៅឡើយ ។
យន្ដហោះបានបាត់ខ្លួនកាលពីថ្ងៃទី៨ ខែមីនា ឆ្នាំ២០១៤ ខណៈដែលដឹកអ្នក ដំណើរ និងអាកាសយានិកសរុប២៣៩ នាក់ ធ្វើដំណើរចេញពីទីក្រុងគូឡាឡាំពួរ ឆ្ពោះទៅកាន់ទីក្រុងប៉េកាំង ។ យន្ដហោះ នេះត្រូវគេសង្ស័យថា បានធ្លាក់នៅក្នុង តំបន់ដាច់ស្រយាល់ចូលទៅក្នុងទឹក សមុទ្រដ៏សែនជ្រៅស្ថិតនៅភាគខាង លិចឈូងសមុទ្រប្រទេសអូស្ដ្រាលី ។
ប្រធានក្រុមរុករកអូស្ដ្រាលី លោក Martin Dolan បានថ្លែងថា ការស្វែង រករហូតមកដល់ពេលនេះតាមរយៈឧប ករណ៍ Sonar គឺក្រុមរុករកចាប់សញ្ញា ជាច្រើនដែលសង្ស័យថាជាបំណែកយន្ដ ហោះដែលបាត់ខ្លួននោះ ប៉ុន្ដែរហូតមក ដល់ពេលនេះ ក្រុមការងារនៅមិនទាន់ រកឃើញបំណែកណាមួយនៃយន្ដហោះ ម៉ាឡេស៊ីអ៊ែរឡាញដែលបាត់ខ្លួននោះ នៅឡើយទេ ។
អាជ្ញាធរម៉ាឡេស៊ី និងអូស្ដ្រាលីបាន ផ្ដោតកម្លាំងចិត្ដស្វែងរកយន្ដហោះដែល បាត់ខ្លួនខាងលើនេះស្ថិតនៅបាតសមុទ្រ ក្នុងទំហំ៦០.០០០ក្រឡាម៉ែត្រការ៉េ ។ លោក Dolan បានបញ្ជាក់ថា ក្រុមរុក រកបានរកលើផ្ទៃដែលកំណត់ខាងលើនេះ បាន៤០ភាគរយហើយ ហើយទំនងជា បញ្ចប់ត្រូវបញ្ចប់នៅអំឡុងខែមេសា ឆ្នាំ២០១៥ ខាងមុខ ប៉ុន្ដែលោកមិនទាន់ ប្រាកដថា នឹងបញ្ចប់នៅពេលនោះនៅ ឡើយទេ ដោយសារតែអាកាសធាតុនៅ ពេលនេះមិនអំណោយផលសោះ ។
លោកបន្ដទៀតថា នៅពេលដែល បញ្ចប់ការរុករកនេះ ហើយសមតិកម្ម បន្ដបន្ទាប់ទៅមុខទៀតគឺជាការសម្រេច របស់រដ្ឋាភិបាល ។ “គោលដៅរបស់ ក្រុមយើងគឺរុករកបាន៤០ភាគរយរួច ហើយ ។ យើងបន្ដរុករកបរិវេណដែល នៅសល់ទាំងប៉ុន្មាននោះ ហើយសង្ឃឹម ថានឹងរកឃើញយន្ដហោះយ៉ាងពិត ប្រាកដនៅក្នុងបរិវេណដែលបានកំណត់ នោះ ។ ប៉ុន្ដែយើងមិនទាន់ច្បាស់ថា នឹង រកឃើញយន្ដហោះនេះឡើយ” ។
ប្រភពបន្ដថា ក្រុមអ្នករុករកបាន វិភាគទៅលើទិន្នន័យដែលចាប់បាននា ពេលកន្លងមកដោយឧបករណ៍រុករកនោះ ទៅជា៣ផ្នែក ។ ផ្នែកទីមួយនៃសញ្ញា ដែលចាប់បាន អាចជាបំណែកនៃយន្ដ ហោះយ៉ាងពិតប្រាកដ ។ ផ្នែកទីពីរ និង ផ្នែកទីបី អាចជាសញ្ញាដែលចាប់បានពី ទ្រង់ទ្រាយភូមិសាស្ដ្រ ។
នាវាបីគ្រឿងក្នុងចំណោម៤គ្រឿង គឺ នាវា Fugro Equator នាវា Fugro Discovery និងនាវា GO Phoenix ត្រូវបានបំពាក់ឧបករណ៍រុករក sonar ដើម្បីស្វែងរកចាប់សញ្ញានៅក្នុងបាត សមុទ្រជម្រៅ៤ពាន់ម៉ែត្រ ។សកម្មភាពរុករកខាងលើនេះទទួល បានការឧបត្ថម្ភពីរដ្ឋាភិបាលអូស្ដ្រាលី និងម៉ាឡេស៊ីដែលអស់ទឹកប្រាក់ប្រមាណ ១២០លានដុល្លារអាមេរិកហើយរហូត មកដល់ពេលនេះ 9
