ខេត្តព្រះសីហនុ ព្រឹកថ្ងៃទី០៤ ខែមិនា ឆ្នាំ២០១៥ អាជ្ញាធរខេត្តព្រះសីហនុ ប្រារព្ធទិវាជាតិទីក្រុងស្អាត ក្រោមប្រធានបទ “ ជោគជ័យទីក្រុងស្អាត ជោគជ័យទេសចរណ៌ “ និងមានការសំអាតបរិស្ថាននៅតាមដងមហាវិថីនានាក្នុងក្រុងព្រះសីហនុ ដោយមានការចូលរួមពីមន្ត្រីរាជការ លោកគ្រូ អ្នកគ្រូ និស្សិត សិស្សានុសិស្ស និងប្រជាពលរដ្ឋប្រមាណជា ១០០០នាក់ នៅបរិវេណវេទិការបុណ្យជាតិ ៧មករា ស្ថិតក្នុងសង្កាត់លេខ៣ ក្រុង ខេត្តព្រះសីហនុ ក្រោមអធិបតីភាពឯកឧត្តម ឈិត សុខុន អភិបាលនៃគណះអភិបាលខេត្តព្រះសីហនុ ។
ឯកឧត្តម ឈិត សុខុន បានមានប្រសាសន៌ថា ឆ្នាំ២០១៥ គឺជាឆ្នាំយុទ្ធសាស្ត្រសម្រាប់សកលលោកទាំងមូល និងតំបន់ ការសម្រេចគោលដៅអភិវឌ្ឍន៌សហស្សវត្សរ៌របស់អង្គការសហប្រជាជាតិ នឹងការយកចិត្តទុកដាក់ខ្ពស់ជាអាទិការកាត់បន្ថយភាពក្រីក្រ ការលើកកម្ពស់សុខភាព និងការអប់រំអភិរក្សសមុទ្រ និងធនធានព្រៃឈើ ។
ការដាក់ចេញនិងអនុវត្តគោលនយោបាយ និងយុទ្ធសាស្ត្រអភិវឌ្ឍន៌នានាដោយឈរលើមូលដ្ឋានសំខាន់ៗពីរ គឺការបង្កើនឧត្តមភាពប្រកួតប្រជែង និងការធានានិរន្តរភាពនៃការអភិវឌ្ឍន៌ ។ កម្ពុជាបានដាក់ចេញនូវយុទ្ធនាការ ទីក្រុងស្អាត រមណីយដ្ឋានស្អាត សេវាល្អ ជាយុទ្ធសាស្ត្រសមស្របក្នុងការចូលរួមអភិវឌ្ឍន៌ទេសចរណ៌ជាមាសបៃតង និង នាំកម្ពុជាឆ្ពោះទៅរកភាពស្អាត និងបៃតង គ្រប់ទៅក្រុង ទីប្រជុំជន រមណីយដ្ឋានទាំងអស់ត្រូវបន្ត
កិច្ចខិតខំប្រឹងប្រែងលើកកម្ពស់ភាពស្អាត និងបៃតង ដោយឈរលើគោលការណ៌និរន្តរភាពនៃការអភិវឌ្ឍន៌ ទីក្រុងជាមជ្ឍមណ្ឌលនយោបាយ សេដ្ឋកិច្ច វប្បធម៌ និងការទូត ដែលប្រមូលផ្តុំមនុស្ស សកម្មភាព និងហេដ្ឋារចនាសម្ពន្ធ័សំខាន់ៗជាប្រទីបបំភ្លឺក្រើនរំលឹកប្រជាពលរដ្ឋ និង
ភាគីពាក់ពន្ធ័ចូលរួមចលនាប្រឡងប្រណាំងទីក្រុងស្អាតនៃព្រះរាជាណាចក្រអច្ឆរិយ ឬទីក្រុងបៃតង ឬទីក្រុងប្រកបដោយនិរន្តរភាព សំដៅដល់ទីក្រុងមានបរិស្ថាន អនាម័យ សណ្តាប់ធ្នាប់ល្អ គួបផ្សំនឹងហេដ្ឋារចនាសម្ពន្ធ័ទ្រទ្រង់គ្រប់គ្រាន់ផ្តល់នូវភាពកក់ក្តៅ និងការទស្សនាកម្សាន្តរបស់ភ្ញៀវទេសចរ ។
ឯកឧត្តមបានបញ្ជាកថា ជោជ័យនៃការអភិវឌ្ឍន៌វិស័យទេសចរណ៌ជាវិស័យសេដ្ឋកិច្ច និងសង្គម ចូលរួមទ្រទ្រង់ដល់កំណើនសេដ្ឋកិច្ច បង្កើនការងារ បង្កើនចំណូល កាត់បន្ថយភាពក្រីក្រ រួមចំណែកការឆ្លើយតបនឹងបញ្ហាបំរែបំរួលអាកាសធាតុ ។ ត្រូវគិតគូរពីនិរន្តរភាពបរិស្ថាន ភាពស្អាត និងភាពបៃតង បំរើសេចក្តីត្រូវការរបស់ភ្ញៀវទេសចរណ៌ និងជំរុញឪ្យទីក្រុងកាន់តែមានភាពរស់រវើក ប្រកបដោយឧត្តមភាពសម្រាប់ការរស់នៅ ប្រកបធុរកិច្ច និងការទស្សនាកម្សាន្ត
។ យើងត្រូវអនុវត្តឪ្យបានផុលផុសដោយស្មារតីទទួលខុសត្រូវខ្ពស់ក្នុងចលនាប្រឡងប្រណាំងទីក្រុងស្អាត សំដៅឪ្យខេត្តព្រះសីហនុ ក្លាយជាគោលដៅទេសចរណ៌បៃតង ប្រកបដោយគុណភាព និងរន្តរភាព និងភាពទាក់ទាញសម្រាប់ភ្ញៀវទេសចរជាតិ និងអន្តរជាតិសក្តិសមទៅនឹងកិត្តិនាមកម្ពុជា ព្រះរាជាណាចក្រអច្ឆរិយះ ។
ដើម្បីប្រឡងប្រណាំងទីក្រុងស្អាត ជាអាទិ យុទ្ធនាការយុវជន និងទីក្រុងស្អាត យុទ្ធនាការទីក្រុងស្អាតគ្នានសំរាម គ្នានថង់ប្លាស្ទីកហើរតាមខ្សល់ យុទ្ធនាការទេសចរម្នាក់ដាំដើមឈើមួយដើម និងយុវជនម្នាក់ដាំដើមឈើរមួយដើម យុទ្ធនាការសង្កាត់គំរូ និងយុទ្ធនាការសម្អាតទីក្រុងជាដើម ហើយទីក្រុងស្អាតផ្តើមចេញពីយើងទាំងអស់គ្នារួមគិត រួមធ្វើ រួមទទួលខុសត្រូវ ។
បន្ទាប់មកឯកឧត្តម ឈិត សុខុន ក៌បានប្រគល់រឺម៉កម៉ូតូកង់០៣ចំនួន ០២គ្រឿងដល់សាលា ក្រុងព្រះសីហនុ ក្នុងការដឹកជញ្ជូនសម្រាមចេញមកកាន់គោលដៅ ដែលឡានសម្រាមមិនអាចចូលទៅដឹកសម្រាមបាន ៕
