សៀមរាប ថ្លែងនៅក្នុងកិច្ចប្រជុំគោលនយោបាយកម្រិតខ្ពស់តំបន់អាស៊ី និងប៉ាស៊ីហ្វិកស្តីពីការអនុវត្តផែនការសកម្មភាពISTANBULសម្រាប់ប្រទេសអភិវឌ្ឍន៍តិចតួចនៅខេត្តសៀមរាបព្រឹកថ្ងៃទី៤ខែមិនានេះលោកជំទាវ សាមសាត អាកតា(SahmshadAkhtar)អគ្គលេខាធិការរង
អង្គការសហប្រជាជាតិបានមានប្រសាសន៍ថា នៅក្នុងចំណោមប្រទេសដែលមានការអភិវឌ្ឍន៍តិចតួចចំនួន១៣មានប្រទេសចំនួន៦បានកំពុងតែមានការរីកចំរើន ក្នុងនោះប្រទេសកម្ពុជាជាប្រទេសមួយលេចធ្លូជាងគេ និងអាចចាកផុតពីប្រទេសអភិវឌ្ឍន៍តិចតួចមុនឆ្នាំ២០២០។
លោកជំទាវបានពន្យល់ថាការដែលប្រទេសកម្ពុជាអាចចាក់ផុតពីប្រទេសអភិវឌ្ឍន៍តិចតួចបានឆាប់រហ័សគឺដោយសារតែប្រទេសកម្ពុជាមានសន្តិភាពពេញលេញធ្វើឲ្យកំណើនសេដ្ឋកិច្ចមានការកើនមានការរីចំរើនលឿន។លោកជំទាវបន្តថា
លោកទេសរដ្ឋមន្ត្រី លី ធុជ ប្រធានគណៈកម្មាធិការជាតិអេស្តាប់បានមានប្រសាសន៍ថា នេះជាការពិតប្រទេសកម្ពុជាជាប្រទេសមួយដែលមានការអភិវឌ្ឍន៍លឿនជាងគេក្នុងចំណោមប្រទេសទាំង១៣នេះហើយកម្ពុជាក៍ត្រូវបានដែលមានប្រទេសអភិវឌ្ឍន៍តិចតួចទាំងអស់ចាត់ទុកថា ជាប្រទេសមានកណើនសេដ្ឋកិច្ចខ្លាំងមួយដែលអាចចាកផុតពីប្រទេសអភិវឌ្ឍន៍តិចតួចមុនកាលកំណត់។
លោកគាតឈុនឧបនាយករដ្ឋមន្ត្រីប្រចាំការបានមានប្រសាសន៍ថាតាមការគណនាបឋមរបស់វិទ្យាស្ថានជាតិស្ថិតិនៃក្រសួងផែនការនៅក្នុងឆ្នាំ២០១៤កន្លងមកនេះកម្ពុជាសម្រេចបានកំណើនសេដ្ឋកិច្ចក្នុងរង្វង់៧% ហើយនៅក្នុងឆ្នាំ២០១៥នេះគេប៉ាន់ប្រមាណថា នឹងស្ថិតនៅជុំវិញ៧%ទៀត។ កំណើនសេដ្ឋកិច្ចនេះកន្លងមកបានធ្វើឲ្យថយចុះគម្លាតរវាងអ្នកមាន និងអ្នកក្រ។
លោកបានបញ្ជាក់ថា កម្ពុជាត្រូវបានគេវាយតម្លៃថា ជាប្រទេសទី៤ក្នុងពិភពលោកដែលសម្រេចបានគោលដៅអភិវឌ្ឍន៍សហសវត្សរ៍ក្នុងការកាត់បន្ថយភាពក្រីក្រលឿនមុនកាលកំណត់ដោយថយចុះពី៥៣%ក្នុងឆ្នាំ២០០៤មកត្រឹម២០,៥%នៅឆ្នាំ២០១១ និងមកក្រោម១៨%នៅឆ្នាំ២០១៤។ហើយគេរំពឹងថា អត្រានេះនិងធ្លាក់ចុះប្រមាណ១%បន្ថែមទៀតក្នុងមួយឆ្នាំៗ។ដែលកត្តានេះហើយដែលអាចធ្វើឲ្យប្រទេសកម្ពុជាចាកផុតពីប្រទេសអភិវឌ្ឍន៍តិចតួចឆាប់ៗខាងមុខនេះ។ដោយគឿនវ៉េត
