បន្ទាយមានជ័យ៖ អ្នកាសាព័ត៍មានទូរទស្សន៍ កាសែត វិទ្យុ វេបសាយ របស់កម្ពុជានឹងជួបជាមួយនិងអ្នកសាព័ត៍មានថៃជាច្រើននាក់ ក្នុងទឹកដីខេត្តស្រះកែវ និងខេត្តឈុនបូរី ប្រទេសថៃនាថ្ងៃទី០៥ មីនា ២០១៥ នេះដើម្បីសហប្រតិបត្តិការណ៍ ទំនាក់ទំនងផ្លាស់ប្តូរបទពិសោធន៍ រវាងគ្នា ។
តបតាមការអញ្ជើញ រៀបចំដោយសហព័ន្ធផ្សព្វផ្សាយបណ្តាញសារព័ត៍មានអាស៊ានកម្ពុជានិងថៃ(UMA)ដែលឧបត្ថម្ភដោយអាជ្ញាធរមានសមត្ថកិច្ចខេត្តឈុនបូរីនិងសម្រួលដោយសមត្ថកិច្ច កងកម្លាំងពាក់ព័ន្ធរបស់ថៃ អ្នកសារព័ត៍មានកម្ពុជា ១៧រូបមកពីខេត្ត រាជធានី ក្នុងនោះក៏មានអ្នកយកព័ត៍មានកាសែតកម្ពុជាថ្មី នឹងត្រូវធ្វើដំណើរទៅកាន់ខេត្តស្រះកែវនិងខេត្តឈុនបូរីប្រទេសថៃចាប់ពីថ្ងៃទ៥ដល់៧ មីនា ២០១៥ ។
តាមគម្រោង លោកប្រាស៊ើដ្ឋ សែនរុងរឿង អគ្គលេខាធិការសហព័ន្ធផ្សព្វផ្សាយបណ្តាញសារព័ត៍មានអាស៊ាន(UMA)និងលោកសុខ សុវណ្ណ អគ្គលេខាធិការរងនិងជាប្រធានក្រុមប្រឹក្សាអ្នកសារព័ត៍មានកម្ពុជានឹងសហការជាមួយរដ្ឋបាលនិងផ្នែកឯកជននៅខេត្តឈុនបូរី ដោយនាំអ្នកអ្នសារព័ត៍មានថៃ កម្ពុជាទៅជួប សម្របសម្រួលនិងចុះយកព័ត៍មាននៅតំបន់សេដ្ឋកិច្ចពិសេស
តំបន់អភិវឌ្ឃន៍ តំបន់ទេសចរណ៍ក្នុងខេត្តឈុនបូរី ហើយពាំនាំព័ត៍មាននានាពាក់ព័ន្ធនឹងការងារទីនោះមកផ្សព្វផ្សាយជូនពលករកម្ពុជាដែលមានបំណងចូលស្របច្បាប់ទៅធ្វើការនៅទីនោះ ក៏ដូចជាចែករំលែកការប្រកបរបររកស៊ី ការវិនិយោគនិងការអភិវឌ្ឍន៍ក្នុងប្រទេសជិតខាងនេះជិតខាងគ្នាផងដែរ ។
គួរបញ្ចាក់ថា ជាញឹកញាប់អ្នកសារព័ត៍មានកម្ពុជា ថៃ ឡាវ ភូមានៃសហព័ន្ធUMA តែងជួបធ្វើកិច្ចសហប្រតិបត្តិការ ប្រជុំ ផ្លាស់ប្តូរបទពសោធន៍រវាងគ្នានិងគ្នា ក៏ដូចជាជួបជាមួយនិងអាជ្ញាធរសមត្ថកិច្ចថៃ ពាំនាំនូវផលវិបាក និងភាពតានតឹងរវាងប្រជាជាតិនិងប្រទេសទាំងពីរក្រោយការប៉ះទង្គិចគ្នាតាមព្រំដែនកន្លងមក ៕
