មេបញ្ជាការកងទ័ពអាមេរិកប្រចាំ អាស៊ីប៉ាស៊ីហ្វិកលោកHarry Harris បាន បញ្ជាក់ថា ចិនកំពុងតែអនុវត្ដន៍យុទ្ធ សាស្ដ្រឌឺដងនៅដែនសមុទ្រភាគខាង ត្បូងដោយលោកបង្ហាញពីការព្រួយបារម្ភ ចំពោះសកម្មភាពបង្កើតកោះសិប្បនិមិត្ដរបស់រដ្ឋាភិបាលទីក្រុងប៉េកាំង ។
មេបញ្ជាការកងទ័ពអាមេរិកបាន បង្ហាញការព្រួយបារម្ភពីសកម្មភាពខាង លើក្នុងពេលដែល
លោកបំពេញទស្សន កិច្ចទៅកាន់ប្រទេសឥណ្ឌាហើយជួប ពិភាក្សាជាមួយមេទ័ពជើងទឹកឥណ្ឌា លោក Robin Dhowan ។
សារព័ត៌មាន Time Of India បាន ផ្សព្វផ្សាយថា អាមេរិកមានបំណងចង់ ឱ្យឥណ្ឌាដើរតួនាទីសំខាន់ជាងនេះក្នុងការ ធ្វើឱ្យមានតុល្យភាព យុទ្ធសាស្ដ្រយោធា នៅតំបន់អាស៊ីប៉ាស៊ីហ្វិកឬសហការ ជាមួយកម្លាំងទាហានជើងទឹកប្រទេស ជិតខាងរក្សាសន្ដិសុខ ស្ថិរភាព នៅក្នុង តំបន់ដែលពិភពលោកចាត់ទុកថា ជា ចំណុចសំខាន់បំផុតក្នុងការកំណត់ជោគ វាសនាសេដ្ឋកិច្ចពិភពលោកនៅសតវត្ស ទី២១ ។
រយៈពេលមិនដល់២ខែក្រោយពេល ប្រកាសពីយុទ្ធសាស្ដ្រអាមេរិក ឥណ្ឌា ក្រោយដំណើរទស្សនកិច្ចរបស់ប្រធានា ធិបតីអូបាម៉ា ទៅកាន់ទីក្រុងញូវដេលី មេ ទ័ពអាមេរិHarry Harris បានបញ្ជាក់ថា ចិនគ្មានសិទ្ធិរារាំងកម្លាំងទាហានជើង ទឹកឥណ្ឌានៅដែនសមុទ្រភាគខាងត្បូង នោះឡើយ ។ លោកបន្ដទៀតថា ដែន សមុទ្រចិនភាគខាងត្បូងជាដែនសមុទ្រ អន្ដរជាតិហើយឥណ្ឌាមានសិទ្ធិធ្វើសកម្ម ភាពដោយសេរីនៅពេលដែលឥណ្ឌាចង់ ធ្វើ ។
កាលពីខែកក្កដា ឆ្នាំ២០១១ ពេល នាវាចម្បាំង INS Shardul បានបំពេញ ទស្សនកិច្ចមិត្ដភាពទៅកាន់ប្រទេស វៀតណាមក្រុមនាវិកឥណ្ឌារងការគំរាម កំហែងពីកម្លាំងទាហានជើងទឹកចិនដោយ ពេលនោះកម្លាំងម៉ារីនចិនបានប្រកាស ថា “អស់លោកបានធ្វើដំណើរចូលមក ដែនសមុទ្ររបស់ចិនត្រូវតែចាកចេញ ជាបន្ទាន់” ។
ឆ្នាំ២០១៤ចិនក៏បានប្រឆាំងទៅនឹង កិច្ចព្រមព្រៀងវៀតណាម និងឥណ្ឌាក្នុង ការរុករកប្រេងនៅដែនសមុទ្រភាគខាង ត្បូងស្ថិតនៅក្នុងដែនអធិបតេយ្យរបស់ វៀតណាម ។
អំពីវិវាទដែនអធិបតេយ្យរបស់ចិន ជាមួយប្រទេសជិតខាង Harry Harris បានបញ្ជាក់ថា “ខ្ញុំពិតជាព្រួយបារម្ភដល់ សកម្មភាពសាងសង់កោះសិប្បនិមិត្ដ ទាំងនោះជាការឌឺដងប្រកបដោយគ្រោះ ថ្នាក់បង្កឱ្យមានភាពតានតឹងកាន់តែ ខ្លាំងឡើង” ។ លោកបន្ដទៀតថា ចិនមាន ចេតនាផ្លាស់ប្ដូរទម្រង់នៅដែនសមុទ្រ ចិនភាគខាងត្បូងទាំងមូល ។
បើទោះបីលោកHarry Harris មិន បានលើកឡើងពីនាវាមុជទឹករបស់ចិន ជាច្រើនគ្រឿងបង្ហាញវត្ដមាននៅមហា សមុទ្រឥណ្ឌាក៏ដោយ ប៉ុន្ដែលោកបង្ហាញពី ក្ដីបារម្ភធំបំផុតគឺធានាសន្ដិសុខចរាចរណ៍ នៅតាមដែនសមុទ្រសមស្របទៅនឹង សេចក្ដីប្រកាសរួមរវាងឥណ្ឌានឹងអាមេរិក នៅពេលដែលលោកអូបាម៉ាទៅបំពេញទស្សនកិច្ចនៅឥណ្ឌាកាលពីខែមករា ឆ្នាំ ២០១៥ ។
លោកHarry Harris បន្ដទៀតថា សកម្មភាពរបស់នាវាមុជទឹកចិននៅ មហាសមុទ្រឥណ្ឌាមិនមែនជារឿងចម្លែក នោះឡើយ ដោយចិនមានសិទ្ធិធ្វើសកម្ម ភាពនៅដែនសមុទ្រអន្ដរជាតិ ។ ទាំង នោះឥណ្ឌាក៏មានសិទ្ធិធ្វើសកម្មភាពនៅ ដែនសមុទ្រចិនភាគខាងត្បូងដូចគ្នា នោះដែរ ។
អាមេរិកបានចាត់ទុកឥណ្ឌាជាដៃគូដ៏ សំខាន់បំផុតក្នុងយុទ្ធសាស្ដ្រនៅក្នុងតំបន់អាស៊ីប៉ាស៊ីហ្វិក ។ កម្លាំងទាហានជើង ទឹកឥណ្ឌាជាកងកម្លាំងមួយដ៏ខ្លាំងក្លាក្នុងតំបន់និងជាដៃគូនៅក្នុងការធ្វើសមយុទ្ធជារៀងរាល់ឆ្នាំ ។ កាលពីឆ្នាំ២០១៤ ឥណ្ឌានិងអាមេរិកក៏បានធ្វើសមយុទ្ធជា ទ្រង់ទ្រាយធំដោយមានទាំងការចូលរួម ពីកម្លាំងទាហានជើងទឹកជប៉ុនផងដែរ ។
អាមេរិកបានចាត់ទុកឥណ្ឌាជាផ្នែក មួយដ៏សំខាន់ក្នុងការជួយថែរក្សាសន្ដិ សុខសណ្ដាប់ធ្នាប់ពិភពលោក ។ លោក Harry Harris បញ្ជាក់ទៀតថា “នៅក្នុង យុទ្ធសាស្ដ្រមកកាន់អាស៊ីប៉ាស៊ីហ្វិកកង ពលប្រចាំនៅទីនេះរបស់អាមេរិកកាន់ តែខ្លាំងក្លាជាងមុន” ។ នៅឆ្នាំ២០២០ កម្លាំងទាហានជើងទឹកអាមេរិករហូត ដល់៦០ភាគរយនឹងឈរជើងនៅទីនេះ ។
ចំណែកភាគីឥណ្ឌាវិញក៏បានបញ្ជាក់ ថា ភាគីពាក់ព័ន្ធចាំបាច់ត្រូវតែគោរព
