អគ្គរដ្ឋទូតអាមេរិកប្រចាំនៅកូរ៉េ ខាងត្បូងលោក Mark Lippert ត្រូវបាន បញ្ជូនទៅមន្ទីរពេទ្យជាបន្ទាន់ក្នុងស្ថាន ភាពរងរបួសធ្ងន់ នាព្រឹកថ្ងៃទី៥ ខែមីនា ឆ្នាំ២០១៥ ក្រោយជនមិនស្គាល់មុខ ប្រដាប់ដោយកាំបិតវាយប្រហារលោក។
សារព័ត៌មានយន់ហាប់របស់កូរ៉េ ខាងត្បូងបានផ្សព្វផ្សាយថា ហេតុការណ៍ នេះបានកើតឡើងនៅពេលដែលអគ្គរដ្ឋទូត អាមេរិកធ្វើដំណើរទៅចូលរួមក្នុងពិធីថ្លែង សុន្ទរកថានៅក្នុងទីក្រុងសេអ៊ូល។ ភ្លាមៗ នោះជនមិនស្គាល់មុខក៏បានវាយប្រហារ ដោយកាំបិតបណ្ដាលឱ្យឈាមស្រោច ពេញសម្លៀកបំពាក់ហើយត្រូវបានកម្លាំង សន្ដិសុខគ្រាហ៍លោកបញ្ជូនទៅកាន់មន្ទីរ ពេទ្យនៅក្បែរនោះ ។ ជនដៃដល់ត្រូវ បានចាប់ខ្លួនភ្លាមៗនោះផងដែរ ។
ជនដៃដល់វាយប្រហារដោយប្រើ ប្រាស់ឡាមឆូតមុខអគ្គរដ្ឋទូតអាមេរិក។ តាមមន្ដ្រីសន្ដិសុខកូរ៉េខាងត្បូងបានឱ្យ ដឹងថា ជនដែលវាយប្រហារអគ្គរដ្ឋទូត អាមេរិកធ្លាប់គប់ដុំថ្មចូលទៅកាន់រដ្ឋ ទូតជប៉ុនកាលពីឆ្នាំ២០១០ផងដែរ ។
សារព័ត៌មានយន់ហាប់បានដកស្រង់ សម្ដីមន្ដ្រីប៉ូលិសកូរ៉េខាងត្បូងឱ្យដឹងថា ជនដែលវាយប្រហារនោះមានឈ្មោះ Kim Ki Jung អាយុ៥៥ឆ្នាំ ប្រើកាំបិត ឡាមវាយប្រហារធ្វើឱ្យអគ្គរដ្ឋទូតអាមេ រិករបួសមុខនិងដៃ ។ ហេតុការណ៍វាយ ប្រហារខាងលើបានកើតឡើងនៅវេលា ម៉ោង៧និង៤០នាទីព្រឹក ថ្ងៃទី៥មីនា ក្នុង ពេលដែលអគ្គរដ្ឋទូតអាមេរិកធ្វើដំណើតទៅថ្លែងសុន្ទរកថានៅក្នុងពិធីមួយនៅ ក្រុងសេអ៊ូល ។ សាក្សីនៅកន្លែងកើត ហេតុបានឱ្យដឹងថា អគ្គរដ្ឋទូតអាមេរិក រងការវាយប្រហារពីខាងក្រោយ។ ជន បង្កហេតុបានរុញលោក Mark Lippert ចូលទៅក្បែរតុមួយរួចហើយក៏ធ្វើសកម្មភាពតែម្ដង ។ នេះជាលើកទី១ ហើយ ដែលអគ្គរដ្ឋទូតអាមេរិកប្រចាំនៅកូរ៉េ ខាងត្បូងរងការវាយប្រហារ។
លោក Mark Lippert អាយុ៤២ឆ្នាំ ជាអគ្គរដ្ឋទូតអាមេរិកវ័យក្មេងបំផុត ប្រចាំនៅកូរ៉េខាងត្បូង ។ ចំណែកភរិយា បស់លោកទើបតែផ្ដល់កំណើតកូនប្រុសកាលពីខែមុន ។ កន្លងមកលោកMark Lippert ធ្លាប់កាន់តំណែងជាទីប្រឹក្សា រដ្ឋមន្ដ្រីក្រសួងការពារជាតិអាមេរិកទទួល បន្ទុកសន្ដិសុខក្នុងតំបន់អាស៊ីប៉ាសីហ្វិក ក្នុងអំឡុងឆ្នាំ២០១១-២០១២ ។
ក្រោយការវាយប្រហារជនដៃដល់ បានស្រែកខ្លាំងៗប្រឆាំងទៅនឹងសកម្ម ភាពធ្វើសមយុទ្ធរួមរវាងអាមេរិកនឹង កូរ៉េខាងត្បូងដែលបានចាប់ផ្ដើមកាលពី ថ្ងៃទី២ ខែមីនា ដោយជនដៃដល់នោះ ចាត់ទុកថា សមយុទ្ធនោះធ្វើឱ្យសន្ដិសុខ កូរ៉េខាងត្បូងរងការគំរាមកំហែងពីកូរ៉េ ខាងជើង ។
នៅពេលនេះក្រុមប៉ូលិសកូរ៉េខាងត្បូង កំពុងតែសួរចម្លើយពាក់ព័ន្ធនឹងសកម្ម ភាពវាយប្រហារខាងលើ ។ កាលពីខែ កក្កដា ឆ្នាំ២០១០ជនដៃដល់ក៏បានគប់ ដុំថ្មទៅលើស្ថានទូតជប៉ុននៅកូរ៉េខាង ត្បូងក្នុងការប្រឆាំងទៅនឹងរដ្ឋាភិបាល ជប៉ុនដែលបានចេញផ្សាយសៀវភៅ ស្ដីពីអធិបតេយ្យភាពប្រជុំកោះតាកេស ស៊ីម៉ាដែលកូរ៉េខាងត្បូងហៅថាកោះដុក ដូ 9
