ក្រចេះ៖អង្គភាពប្រឆាំងអំពើពុករលួយបានផ្សព្វផ្សាយច្បាប់ប្រឆាំងអំពើរពុករលួយដើម្បីឱ្យជ្រាបទៅដល់អាជ្ញាធរដែនដីនិងស្ថាប័នពាក់ព័ន្ធនៅក្នុងខេត្តក្រចេះដោយមានការចូលរួមពីសំណាក់លោក អ៊ឹម ចាន់ថុល ឧបការីនៃអង្គភាពប្រឆាំងអំពើពុករលួយដំណាងដ៏ខ្ពង់ខ្ពស់របស់ លោក
ឱម យិនទាង ប្រធានអង្គភាពប្រឆាំងអំពើពុករលួយ និងលោក ហឿ ស៊ីយ៉ែម អភិបាលរងខេត្ត និងមន្ទីអង្គភាពនានានៅជំវិញខេត្តកាលពីព្រឹកថ្ងៃទី ២៦ ខែ មិនា ឆ្នាំ ២០១៤ នៅសាលមហោស្រពខេត្តក្រចេះ។
នាឱកាសនោះលោក ហឿ ស៊ីយ៉ែម អភិបាលរងខេត្តបានមានប្រសាសន៍ថា ផ្តើមចេញពីការប្រកាសកម្មវិធីនយោបាយរបស់រាជរដ្ឋាភិបាលមុមទី១ ក្នុងអភិបាលកិច្ចល្អជាស្នូលនៃយុទ្ធសាស្ត្រចតុកោណដំណាក់នោះគឺការប្រយុទ្ធប្រឆាំង និង អំពើពុករលួយ ព្រោះអំពើពុករលួយជាមូលហេតុចម្បងនៃការដែលធ្វើឱ្យសង្គមអសកម្មក្នុងការអនុវត្តច្បាប់ បង្កឡើងនូវបក្សពួកនិយម ជាកត្តាធ្វ់ឱ្យប្រជាពករដ្ឋថ្នាំងថ្នាក់និងអស់ជំនឿ បាត់ចំណូល ថវិកាជាតិដែលជាគ្រិះនៃការអភិវឌ្ឍន៍សេដ្ឋកិច្ច និង ជីវភាពស្ថេរភាពក្នុងជីវិតឯកជននិងជីវិតគ្រួសារ និងសហគមន៍បង្កើតការសង្ស័យទៅវិញទៅមកក្នុងស្ថាប័ន និងអាចឈានដល់ការប៉ះទង្គិចខាងស្មារតី និង ធ្វើឱ្យការសាមគ្គីឯកភាពផ្ទៃក្នុងមិនរឹងមាំ អំពើរស្អាតស្អំ និង យុត្តិធម៌ មានភាពលំអៀងបាត់បង់កិត្តិយស សេចក្តីថ្លៃថ្នូរ ក្នុងមុខងារជាមន្ត្រីរាជការក្នុងស្ថាប័នរដ្ឋ។
លោក អភិបាលរងខេត្តខាងលើបានបន្តឱ្យដឹងថា ឈរលើមូលហេតុទាំងនេះហើយដែលដៅយុទ្ធសាស្ត្រ របស់រាជរដ្ឋាភិបាលអាណត្តិទី ៥ នេះគឺជាការ អនុវត្តវិធានការណ៍ប្រទាក់ក្រឡាគ្នាតាមរយៈអប់ បង្ការទប់ស្កាត់ជាមុន ការពង្រឹងគណនេយ្យភាព និងពង្រឹងសមត្ថភាពស្ថាប័ន ការគាំទ្រនិងការចូលចូលរួមពីសាធារណៈជនក្នុងការចូលរួមពីវិស័យឯកជនដែលជាអ្នកវាយតម្លៃ ពីសុច្ចរឹតភាព នៃមន្ត្រីសាធារណៈដើម្បីលុបបំបាត់ភាពអសកម្មនានា។
នៅក្នុងអង្គពិធីនោះដែរលោក អ៊ឹម ចាន់ថុល ឧការី នៃអង្គភាពប្រឆាំងអំពើពុករលួយបានមានប្រសាសន៍ថា នេះគឺជាយន្តការថ្មីមួយដែលជាកម្លាំងជំរុញឱ្យបណ្តាថ្នាក់ដឹកនាំគ្រប់ៗរូបនៃរដ្ឋបាលថ្នាក់ក្រោមជាតិ យកទៅអនុវត្តប្រើប្រាសក្នុងគោលដៅ អំពីជាតិមាតុភូមិប្រកបដោយស្មារតីទទួសខុសត្រូវ ចេះគិតពិចារណា ចេះប្រៀធៀប ថ្លឹងថ្លែងអ្វីដែលគួរធ្វើ ហើយ ត្រូវមានសុឆន្ទៈ មានសិការ វិជ្ជាជីវៈ ភ្ជាប់ជាមួយ គុណធម៌ សីសធម៌ តាមសមត្ថកិច្ចដែលរាជរដ្ឋាភិបាលប្រគល់ឱ្យនិង បានទទួលការគាំទ្រពីម្ចាស់ឆ្នោត ពីអាណត្តិ១ ទៅ អាណត្តិ១ ក្នុងរបបប្រជាធិបតេយ្យសេរីពហុបក្ស។
លោក ឧបការី ខាងលើបានបន្តឱ្យដឹងបន្ថែមថា លោក សង្ឃឹមថា មន្ត្រីរាជការ និងអង្គភាពពាក់ព័ន្ធទាំងអស់បានជ្រៀបកាន់តែច្បាស់បន្ថែមទៀតអំពីខ្លឹមសារនិង អត្ថន័យខាងលើ។ ថ្ងៃនេះអង្គភាពប្រឆាំងអំពើពុករលួយបានធ្វើការបង្ហាញទៅដល់អ្នកចូលរួមទាំង
អស់អំពីមាត្រាទាំង៣៨នៃច្បាប់ប្រឆាំងអំពើពុករលួយដែលបានដកស្រង់ចេញពីចំនុចសំខាន់ៗពីសៀវភៅច្បាប់ព្រហ្មទណ្ឌ។
