អស់រយៈពេលជាច្រើនឆ្នាំកន្លងមកហើយ ដែលលោក Liu Ruiqiang រង បញ្ហាជាមួយនឹងផ្សែងដូចចុះអ័ព្ទ នៅក្នុងក្រុងប៉េកាំងនៃប្រទេសចិន ប៉ុន្ដែគាត់មិនចង់ចាកចេញពីក្រុងនេះទេ ពេលដែលកូនស្រីរបស់គាត់ប្រសូតមក។
គាត់ជា បុរសអ្នកលក់ដូរ ដែលឥឡូវត្រូវតែមានឧបករណ៍សម្រាប់ទប់ទល់ជាមួយនឹងភាពកខ្វក់នៅក្នុង ខ្យល់ ទោះទៅណាមកណាគ្រប់ទីកន្លែង។ នៅថ្ងៃណាដែលខ្យល់អាកាសកាន់តែមានភាពកខ្វក់ក្នុងកម្រិតខ្ពស់ដោយ ចៃដន្យ គឺកូនស្រីតូចរបស់គាត់ត្រូវទុកឲ្យនៅក្នុងផ្ទះ ដូចជាប់ឃុំឃាំង ដែលនៅក្នុងផ្ទះមានឧបករណ៍ចម្រោះខ្យល់សម្រាប់ដកដង្ហើម។
លោក Liu ដែល និយាយថា គាត់ជាអ្នកស្ថិតនៅក្នុងវណ្ណៈកណ្ដាលមិនសូវសំបូរប្រាក់កាស ហើយជាអ្នករស់នៅក្នុងក្រុងប៉េកាំងនោះ តាមការប៉ាន់ប្រមាណគាត់ត្រូវចំណាយប្រាក់ដល់ទៅជាង៤០,០០០យន់ (៦,៣៧៥ដុល្លារ) រយៈ ពេល២ឆ្នាំកន្លងមកនេះសម្រាប់ទប់ទល់ជាមួយភាពកខ្វក់នៅក្នុងខ្យល់ អាកាស។ ប្រសិនបើគាត់មិនធ្វើយ៉ាងដូច្នេះទេ គាត់សន្និដ្ឋានថា សុខភាពរបស់ពួកគាត់ ព្រមទាំងកូន នឹងរងអន្ដរាយ។
ដូចជាជនជាតិចិនរាប់លាននាក់ផ្សេងទៀតដែរ លោក Liu ព្រមទាំង គ្រួសារត្រូវចំណាយអស់ពេលច្រើនទសវត្សរ៍មកហើយ ពេលដែលសេដ្ឋកិច្ចប្រទេសកំពុងតែរីកចម្រើននោះ ខណៈដែលបរិស្ថានកំពុងតែប្រឈមនឹងឧស្សាហភាវូបនីយកម្មកាន់តែឆាប់រហ័ស ប៉ុន្ដែប្រទេសនេះក៏នៅមានពលរដ្ឋដល់ទៅរាប់រយលាននាក់ស្ថិតនៅក្នុង ភាពក្រីក្រនៅឡើយ។
អស់ពេល៧ឆ្នាំកន្លងមកនេះ កម្រិតល្អងធូលី មានកម្រិតត្រឹមតែ ឬទាបជាង 2.5micrometers (PM 2.5) ទេ បើគិតជាមធ្យម ប៉ុន្ដែសម្រាប់ពេលនេះវាបានកើនឡើងដល់ទៅ៥ដងទៅហើយ លើសពីអ្វីដែលជាការផ្ដល់អនុសាសន៍ដោយអង្គការសុខភាពពិភពលោក (WHO) ទៅទៀតនៅក្រុងប៉េកាំង សព្វថ្ងៃនេះ៕
