ភ្នំពេញ៖ យុវជន២នាក់បានរងរបួសធ្ងន់ដោយសារតែពួកគេជិះម៉ូតូមួយគ្រឿងបញ្ច្រាស់ក្នុងល្បឿនលឿនជ្រុកបុករថយន្តបណ្ដាលឲ្យរងរបួសធ្ងន់ខ្លួនឯងហើយរថយន្តបានបន្តទៅបុកម៉ូតូមួយគ្រឿងទៀតចំពីក្រោយពេញទំហឹងបណ្ដាលឲ្យរងរបួសស្រាល កាលពីវេលាម៉ោង២០និង១០នាទីយប់ថ្ងៃទី២៦ ខែមិនា ឆ្នាំ២០១៤ តាមបណ្ដោយផ្លូវលេខ២៤០ កែងផ្លូវនរោត្តន ស្ថិតក្នុងសង្កាត់ចតុមុខ ខណ្ឌដូនពេញ។
យោងតាមប្រភពពត៌មានពីកន្លែងកើតហេតុបានឲ្រដឹងថា មុនពេលកើតហេតុគេបានឃើញយុវជន២នាក់ជិះម៉ូតូម៉ាកនិច ពណ៌ស ពាក់ស្លាកលេខភ្នំពេញ1BZ-0564 ធ្វើដំណើរតាមបណ្ដោយផ្លូវនរោត្តម ក្នុងទិសដៅពីត្បូងទៅជើងដោយជិះបញ្ច្រាសផ្លូវល្បឿនលឿនលុះមកដល់ចំណុចកើតហេតុស្រាប់តែជ្រុលបុករថយន្តម៉ាកព្រួស ពណ៌ទឹកប្រាក់ ពាក់ស្លាកលេខ
ភ្នំពេញ2Q-5319 ដែលធ្វើដំណំក្នុងទិសដៅពីជើងទៅត្បូង ចំពីមុខពេញទំហឹងបណ្ដាលឲ្យអ្នកជិះម៉ូតូរងរបួសធ្ងន់២នាក់ចំណែកម៉ូតូរងការខូចខាត់យ៉ាងដំណំ រីឯរថយន្តនៅមិនទាន់អស់ល្បឿនក៍ជ្រុកបុកម៉ូតូម៉ាកគុប មូលពីក្រោយបណ្ដាលឲ្យស្រីម្នាក់រងរបួសស្រាលហើយរថយន្តបានដាច់កង់ខាងឆ្វេងទៅមុខលែងរួច។
ក្រោយពេលកើតហេតុជនរងគ្រោះត្រូវបានរថយន្តសង្គ្រោះដឹកទៅសង្គ្រោះភ្លាមដោយឡែករថយន្តនិងម៉ូតូសមត្ថកិច្ចយកទៅរក្សាទុកនៅការិយាល័យចរាចរណ៍ជើងគោកដើម្បីរងចាំដោះស្រាយពេលក្រោយ៕
