នៅចុងសប្តាហ៍ សហភាពអឺរ៉ុបបានរៀបចំ កិច្ចប្រជុំថ្នាក់រដ្ឋមន្ត្រីការបរទេស សហគមន៍អឺរ៉ុប នៅទីក្រុងរីហ្គា ហើយរបៀប វារៈដែលសំខាន់ នៃកិច្ចប្រជុំនេះនឹងត្រូវលើកយកវិបត្តិអ៊ុយក្រែន មកធ្វើការពិភាក្សា ដើម្បីរក ដំណោះស្រាយ ។
ទីភ្នាក់ងារព័ត៌មានចិនស៊ិនហួ ចុះផ្សាយនៅថ្ងៃទី០៨ ខែមិនា ឆ្នាំ២០១៥ថា ថ្វីត្បិតតែមានកិច្ចប្រជុំនៅរដ្ឋធានី Latvian ដែលបានចាប់ផ្តើមការពីថ្ងៃសុក្រ ដោយលើកយកកិច្ចពិភាក្សាគ្នា អំពីស្ថិរភាពនយោបាយនៅក្នុង ប្រទេសលីប៊ី តែការពិភាក្សា គ្នាក៏បានងាកមករកការចាប់អារម្មណ៍ភ្លាមៗដែរជុំវិញអ៊ុយក្រែន និងទំនាក់ទំនងជាមួយរុស្ស៊ីនោះ ។
នៅក្នុងកិច្ចប្រជុំថ្នាក់រដ្ឋមន្ត្រីការបរទេស គឺមានសមាជិកចំនួន២៨រូបដែលមកពីរដ្ឋទាំងឡាយ បានជួបពិភាក្សាគ្នា ចំណុចសំខាន់ក្នុងកិច្ចប្រជុំ គឺការធានាឲ្យបាននូវការអនុវត្តន៍ លើការចចារគ្នានារដ្ឋធានី មិងស៏ ក្នុងការដោះ ស្រាយភ្លើងសង្គ្រាមដែលកើតឡើងនៅភាគខាងកើតអ៊ុយក្រែន ។ ក្នុងនោះដែរ រួមទាំងភាពតានតឹងមួយចំនួន រវាងសហគមន៍អឺរ៉ុប និងរុស្ស៊ី ដែលអ្នកគាំទ្រទៅលើក្រុមផ្តាច់ខ្លួនអ៊ុយក្រែន ។
លោកស្រី Federica Mogherini តំណាងដ៏ខ្ពង់ខ្ពស់របស់សហគមន៍អឺរ៉ុប ដែលទទួលបន្ទុកកិច្ចការក្រៅស្រុក និងច្បាប់សន្តិសុខ ដែលជាប្រធានអង្គប្រជុំដឹកនាំការប្រជុំនេះបានថ្លែងថា ការជំរុញដល់ការជជែកគ្នា ជាមួយ សមាជិករដ្ឋទាំងអស់ គឺធ្វើការរួមគ្នា ដើម្បីនាំមកវិញនូវសន្តិភាពសម្រាប់អ៊ុយក្រែន ។ លោកបានស្រីបាន សង្កត់ធ្ងន់ថា “យើងបានធ្វើការរួមគ្នា ក្នុងការដោះស្រាយខាងផ្នែកនយោបាយ ដើម្បីនាំយកសុខសន្តិភាព ដល់ប្រទេស” ។
សូមបញ្ជាក់ថា ក្នុងអំឡុងពេលនៃការចាប់ផ្តើមកិច្ចប្រជុំនៅថ្ងៃដំបូង នៅទីក្រុងរីហ្កា រដ្ឋមន្ត្រីការបរទេសជាសមា ជិកសហគមន៍អឺរ៉ុប បានឯកភាគ្នា ថានេះមានសារៈសំខាន់ណាស់ដើម្បីបង្កើនការត្រួតពិនិត្យ ទៅលើករណី នៅក្នុងប្រទេសអ៊ុយក្រែន ហើយក៏បានអំពាវនាវដល់អង្គការសន្តិសុខ និងសហប្រតិបត្តិការនៅអឺរ៉ុប ហៅកាត់ (OSCE)ដើម្បីបង្កើនអ្នកសង្កេតការរបស់ខ្លួនឲ្យបានច្រើនទ្វេរដង នៅក្នុងប្រទេសអ៊ុយក្រែន ដល់១០០០នាក់ ៕
