ខេត្តកំពង់ធំ:យោងតាមប្រភពព័ត៌មានពីប្រជានេសាទស្លូតត្រង់បាននិយាយឲ្យដឹងថានៅក្នុងឆ្នាំនេះ បទល្មើសមងបង្ក្រាបបាននិងកំពុងរីករាលដាល នៅចំណោម បទល្មើសនេសាទគ្រប់ប្រភេទ នៅក្នុងឃុំផាត់សណ្ដាយ ស្រុកកំពង់ស្វាយ ខេត្តកំពង់ធំ ដោយសារ តែសមត្ថកិច្ចរដ្ឋបាលជលផល ភ្លើងខៀវដោយមានការឃុបឃិតជាមួយ អ្នករត់ការកាងបទល្មើសនេះ។
ប្រភពនេះបានបន្តថា មងបង្ក្រាបនេះ ជាឧបករណ៍១ប្រភេទ ដែលមិនមានច្បាប់អនុញ្ញាតិ ហើយនៅឆ្នាំមុននៅក្នុងឃុំផាត់សណ្ដាយ គឺមានជនជាតិវៀតណាមនេសាទតិចតួច ប៉ុន្តែនៅក្នុងឆ្នាំ បទល្មើសមងបង្ក្រាបនេះ គឺមានការកើនឡើងច្រើន សុទ្ធតែជនជាតិអ៊ីស្លាម មកពីខេត្តកំពង់ឆ្នាំង។
ប្រភពព័ត៌មាននេះ បានបន្តទៀតថា បទល្មើសមងបង្ក្រាបនេះ គឺវាយលុកចូលក្នុងស្ទឹងសែន ក្នុងភូមិទួលនាងសាវ ឃុំផាត់សណ្ដាយ ស្រុកកំពង់ស្វាយ ប្រមាណជិត២០គ្រឿង ក្រោមការរត់ការ កាងរបស់លោកនាយទាហានជើងទឹកម្នាក់ឈ្មោះ កូយ ឈរជើង នៅវត្តកំពង់ចម្លង ក្នុងឃុំផាត់ សណ្ដាយនេះ។
ជនជាតិអ៊ីស្លាមនេសាទដោយប្រើឧបករណ៍មងបង្ក្រាបនេះបាននិយាយប្រាប់អ្នកសារព័ត៌ មានថា ពួកគាត់ដែលចូលមកនេសាទនៅស្ទឹងសែនមានចំនួន១៣ទូក គឺឈ្មោះកូយ ជានាយទា ហាន ឈរជើងនៅវត្តកំពង់ចម្លងឃុំផាត់សណ្ដាយនេះ ជាអ្នករត់ការឲ្យ ដោយក្នុង១ទូកៗពី៣លាន ៥០ម៉ឺនរៀលទៅ៣លាន៩០ម៉ឺនរៀល ចំណែកមងបង្ក្រាបនេសាទនៅទន្លេនិងនៅព្រែកតាសោមគឺ ឈ្មោះកង គាម ជាម៉ូយទិញត្រីនៅឃុំផាត់សណ្ដាយនេះ ជារត់ការ។
នៅចុងខែកម្ភះ ឆ្នាំ២០១៥នេះ សមត្ថកិច្ចនៃស្ថាប័ន១នៅឃុំផាត់សណ្ដាយនេះ បានប្រាប់អ្នក សារព័ត៌មានឲ្យដឹងថា មងបង្ក្រាបនៅក្នុងស្ទឹងសែន ចំនួន១៣ទូក រត់ដោយនាយទាហានឈ្មោះកូយ នោះត្រូវបានលោកអភិបាលរងស្រុកកំពង់ស្វាយ ទទួលទិសឃុំផាត់សណ្ដាយដេញចេញមកក្រៅ ហើយ ដោយសារតែនាយទាហានរត់ការមងបង្ក្រាបនោះ ខ្វះភាពស្មោះត្រង់ កុហកថា មានតែ៦ទូក ប៉ុណ្ណោះ ដូច្នេះហើយទើបមងបង្ក្រាបទាំងនោះលេចចេញមកខាងក្រៅច្រើនយ៉ាងនេះ។
លោកអ៊ឹម ថន អភិបាលស្រុកកំពង់ស្វាយ បានប្រាប់អ្នកសារព័ត៌មាន នៅពេលនោះថា លោក មិនបានដឹងរឿងនោះទេ រង់ចាំលោកសួរទៅខាងក្រោមសិន ។ក្រោយមកអភិបាលស្រុក បាន ទូរស័ព្ទប្រាប់ថា លោកបានសាកសួរទៅនាយទាហានរូបនោះហើយ គឺគាត់ឆ្លើយថា មិនបាន រត់ការបទល្មើសនេសាទមងបង្ក្រាបនេះទេ ប៉ុន្តែអ្នកប្រព្រឹត្តបទល្មើសនេសាទមងបង្ក្រាបទាំងនោះ ចូលមកនេសាទនៅក្នុងស្ទឹងសែននេះ ស្គាល់គាត់ ហើយក៏ពឹងពាក់គាត់ឲ្យជួយមើលការខុសត្រូវ។
លោនាយទាហានឈ្មោះកួយ នេះបានប្រាប់អ្នកសារព័ត៌មានថា គឺគាត់បានរត់ការអីចឹងមែន ចំណែកលោក កង គាម បានបដិសេធន៍ថាគាត់មិនរត់ការបទល្មើសមងបង្ក្រាបនេះទេ ប៉ុន្តែលុយ ដែលគាត់យកពីបទល្មើសមងបង្ក្រាបនោះ ទៅឲ្យសមត្ថកិច្ចខ្លះ គឺដោយសារសមត្ថកិច្ចនោះសុំឲ្យ គាត់ជួយសំរបសំរួល។
លោក យ៉ាន់ វិសាក់ ហៅសែ នាយផ្នែក រដ្ឋបាលជលផល ផាត់សណ្ដាយ មិនបានបំភ្លឺថា ដូចម្ដេចនោះទេ ដោយលោកប្រាប់ថា លោកជាប់រវល់ការប្អូន។
នៅឃុំពាមបាងនិងឃុំផាត់សណ្ដាយ ក្នុងដែនសមត្ថកិច្ចលោក យ៉ាន់ វិសាក់ ហៅសែ នេះ គឺពោពេញដោយបទល្មើសនេសាទ គ្រប់ប្រភេទនិងគ្រប់រដូវកាល ក្រោមការបើកភ្លើងខៀវរបស់ សមត្ថកិច្ចរដ្ឋបាលជលផលនៅទីនោះហើយអ្នករត់លការកាងបទល្មើសទាំងនោះសុទ្ធជាសមត្ថកិច្ចនិងខ្លះជាអ្នកសារព័ត៌មាន៕
