កំពង់ឆ្នាំង៖ជនល្មើសនេសាទមួយក្រុមបាននាំគ្នាហ៊ុំសម្រាស់ខុខច្បាប់ចាប់ត្រីទាំងកណ្តាលថ្ងៃត្រង់យ៉ាងរំភើយ ដោយគ្មានសមត្ថកិច្ចណារំខានឬចាប់គេឡើយ ដែលម្ចាស់សម្រាស់នោះត្រូវបានគេថាជាកូនលោកប្រធានសហគមន៍នេសាទឃុំកំពង់ព្រះគគីរ។ករណីហ៊ុំសម្រាស់ខាងលើ
នេះបានធ្វើទាំងកណ្តាលថ្ងៃត្រង់ទី០៨ ខែមិនា ឆ្នាំ២០១៥ នៅតែប្រមាន១០០ម៉ែត្រ ខាងកើតភូមិកោះតាម៉ូវ ឃុំកំពង់ ព្រះគគីរ ស្រុកបរិបូណ៌ តែប៉ុណ្ណោះ។
ប្រជាពលរដ្ឋភូមិកោះតាម៉ូវបានរាយការណ៍អោយអ្នកយកព័ត៌មានយើងដឹងថា៖ជនល្មើ
សដែលកំពុងហ៊ុំសម្រាស់ខាងលើនេះ ឈ្មោះ មាន សុខុម ហៅស្រូ ជាកូនប្រសាររបស់លោកប្រធានសហគមន៍នេសាទឃុំកំពង់ព្រះគគីរ ដែលគេបានរត់ការបង់លុយអោយសមត្ថកិច្ចជលផលរួចហើយទើបគេហ៊ានហ៊ុំសម្រាស់ចាប់ត្រីទាំងកណ្តាលថ្ងៃត្រង់ក្បែរភូមិបែបនេះ។
នៅម៉ោង១និង៣០នាទីថ្ងៃទី០៨ ខែមិនា ឆ្នាំ២០១៥ អ្នកយកព័ត៌មានយើងបានចុះទៅដល់បានពិនិត្យឃើញ ជនល្មើសមួយក្រុមមានគ្នាប្រមាណ១០នាក់ មានកាណូតបាឡាស្មាច់២គ្រឿ
ងនិងទូក២គ្រឿង កំពុងធ្វើសម្មភាពរើសម្រាស់ចាប់ត្រី និងនៅលើគោកក្បែរកន្លែងហ៊ុំសម្រាស់មានម៉ូតូ៥គ្រឿង និងកង់២គ្រឿងរបស់អ្នកហ៊ុំសម្រាស់បានទុកចោលនៅក្បែរព្រៃជិតនោះ។
ករណីនេះអ្នកយកព័ត៌មានយើងបានទូរស័ព្ទរាយការណ៍ជូនលោក សោម ភិរុណ នាយ ខណ្ឌ័រដ្ឋបាលជលផលជួយបង្ក្រាប លោកបាននិយាយអោយដឹងថា លោកនឹងអោយសមត្ថកិច្ចជលផលដែលនៅឈរជើងការពារឡូត៍អភិរក្សនៅជិតនេះមកបង្ក្រាប។ប៉ុន្តែទំរាំសមត្ថកិច្ចទាំងនោះមកដល់ជនល្មើសបាននាំគ្នាសារសាច់អួនយកចេញ ហើយគេចខ្លួនបាត់អស់ទៅហើ យតែបើគេចង់ចាប់ប្រកដជាអាចចាប់បានព្រោះអ្នកភូមិបានស្គាល់ឈ្មោះយ៉ាងច្បាស់។
ប្រភពពីប្រជាពលរដ្ឋម្នាកទៀតបានអោយដឹងថា៖កាលពីល្ងាចថ្ងៃទី០៨ ខែមិនា នេះដែរ
មានជនជាតិវៀតណាមមួយក្រុមអូសឆៃរា ដែលមានឈ្មោះចយជាអ្នកកាង បានមកលួចហ៊ុំសម្រាស់អ្នកភូមិកោះតាម៉ូវ និងពេលម្ចាស់សម្រាស់ដឹងបានឈ្លោះគ្នាយ៉ាងខ្លាំងខ្លាទៀងផង។
នៅចំណុចក្នុងភូមិកោះតាម៉ូវនេះកន្លងមកសមត្ថកិច្ច និងលោក ឯក ស៊ុនរស្មី ព្រះរាជអា ជ្ញារងអមសាលាដំបូងខេត្ត ធ្លាប់ចុះមកបង្ក្រាបជាច្រើនករណីមកហើយ ប៉ុន្តែបង្ក្រាបខាងមុខ
កើតខាងក្រោយគឺមិនចេះអស់។ដែលករណីទាំងអស់នេះឆ្លុះបញ្ចាំងបានថា ទាំងសហគមន៍នេសាទ ទាំងអាជ្ញាធរ និងទាំងសមត្ថកិច្ច គឺមិនសូវខ្វាយខ្វល់និងរឿងបទល្មើសនេសាទទាំងអស់នេះឡើយ មិនតែប៉ុណ្ណោះមន្ត្រីមួយចំនួនថែមទាំងឃុបឃិតបិតភ្នែក អោយជនល្មើសប្រ
ព្រឹត្តបទល្មើសតាមទំនើងចិត្តទៀតផង។រឿងនេះសូមឯកឧត្តមប្រតិភូរាជរដ្ឋាភិបាលនិង ជាប្រ ធានរដ្ឋបាលជលផលថ្មី មេត្តាជួយដុសក្អែល សិតសក់ ឆ្លុះកញ្ចក់ និងព្យាបាលជម្ងឺមហាអស កម្មជូនកូនចៅនៅខណ្ឌ័កំពង់ឆ្នាំងផង៕
