កំពង់ធំៈ ចោរប្លន់ប្រដាប់ បានធ្វើសកម្មភាព ប្លន់ឆៅៗនៅក្នុងផ្សារស្ទោង បង្ករភាពភ័យខ្លាច ដល់អាជីវករ ក្នុងផ្សារ ដោយសារតែមានករណីចោរសប្លន់ទូរមាសចំនួន ៤ទូរហើយបានវិចមាសរត់ទៅដោយសុវត្តិភាព កាលពីវេលារសៀលម៉ោង ៤ ល្ងាច ថ្ងៃទី ៨ ខែ មិនាឆ្នាំ២០១៥ ស្ថិតនៅភូមិ កំពង់ក្តី ឃុំកំពង់ចិនត្បូង ស្រុក ស្ទោង ខេត្តកំពង់ធំ។
តាមការឲ្យដឹងពីលោក វរៈសេនីយ៍ត្រី យ៉ង់ សំ អធិការស្រុកស្ទោង បានឲ្យដឹងថា មុនពេលកើតហេតុ មាន ក្រុមចោរចំនួន ៦ នាក់បានបន្លំខ្លួនធ្វើជាអ្នកទិញមាស លុះបានឳកាសស្ងាត់ ក៏យកកាំភ្លើង អាកា ចំនួន ២ដើម ភ្ជង់ម្ចាស់ ទូរមាស ព្រមទាំងបានវាយបំបែកទូរយកមាស រត់ចេញទៅ ក្រោយពីចោរបានធ្វើសកម្មភាពប្លន់រួច លោកបាន សហការជាមួយ កម្លាំងកងរាជអាវុធហត្ថស្រុក និងកំលាំងផ្នែកសឹករងស្រុកស្ទោង និងកំលាំងអធិការ ចុះតាមយ៉ាងកកិតពីក្រោយចោរទាំង៦នាក់ លោកបានបន្តទៀតថា មុខសញ្ញាចោរទាំងនេះ បាននាំគ្នារត់មក ផ្នែកខាងក្រោម នៃបឹងទន្លេសាប រហូតមកដល់វេលាម៉ោង ១០យប់ថ្ងៃកើតហេតុ សមត្ថកិច្ចកំពុងតែហុំព័ទ្ធ ព្រៃរនាមនៅឡើយ ដោយសង្ស័យថា ក្រុមចោរបានលាក់ខ្លួននៅក្នុងព្រៃនេះលិចទឹកនេះ។
រហូតមកដល់ពេលនេះត្រូវបានសមត្តកិច្ច សរុបពីរការបាត់បងចំនួន ទ្រព្យសម្បត្តិ ព្រមទាំង ឈ្មោះម្ចាស់ទូមាសទាំង៥នាក់ ទី១ ឈ្មោះ អ៊ឺងប៊ុនចាយ ភេទប្រុសអាយុ៤៨ឆ្នាំ ទី២ ឈ្មោះ អ៊ឺង ប៉ោហួយ អាយុ២២ឆ្នាំ ទី៣ ឈ្មោះ ហ៊ុងសុផារី អាយុ៣៣ឆ្នាំ ទី៤ឈ្មោះហ៊ួន សំ ចាន់ អាយុ៤៥ឆ្នាំ អ្នកទាំង៤នាក់រស់នៅភូមិ ឈើទាល ឃុំកំពង់ចិនត្បូង ស្រុក ស្ទោងខេត្តកំពង់ធំជាមួយគ្នា និង ទី៥ឈ្មោះ ស៊ន ឈេង ឡន អាយុ ៥៦ឆ្នាំ រស់នៅភូមិ ជីយោក ឃុំកំពង់ចិនត្បូង ស្រុកស្ទោង ខេត្តកំពង់ធំ សរុបទាំងអស់គ្នា បានបាត់បង់មាសសុទ្ធ ១១១តំលឹង ផ្លាកទីន ៤១តំលឹង ប្រាក់ដុល្លា ៣៧០០០ដុល្លា ប្រាក់បាតថៃ ១លានបាត ព្រមទាំងម៉ូតូ សង់សេរី២០០២ចំនួន១គ្រឿង។
ចំណែកលោកវរៈសេនីយ៍ឯក កែ ខាន់ណារ៉ា ស្នងការរងខេត្តកំពង់ធំ ទទួលព្រហ្មទ័ណ្ទ បានដឹកនាំកំលាំងព័ទ្ធនៅឃុំ ប្រឡាយ ព្រមទាំងកំលាំងដ៏ទៃ បានស្ទាក់គ្រប់ច្រកល្ហក ដើម្បីចាប់ឧក្រិដ្ឋជនទាំងនេះមកផ្តន្ទាទោសតាមច្បាប់ តែរហូតមកដល់ពេលនេះលោកកែ ខាន់ណារ៉ាបានប្រាប់អោយដឹងថាកំលាំងយើងមិនទាន់ដកនៅឡើយទេ ហើយក៏មិនទានទទួលបានលទ្ធផលអ្វីនៅឡើយទេ៕
ដោយ ប៊ុន រិទ្ធី
Ads
