ស្ដ្រីទីបេម្នាក់បានធ្វើអត្ដឃាតដុត ខ្លួនឯងដើម្បីប្រឆាំងរដ្ឋាភិបាលចិន ។ នេះជាការដុតខ្លួនប្រឆាំងលើកទី១នៅ ក្នុងឆ្នាំ២០១៥ ។ ចំណែករដ្ឋាភិបាលចិន ចាត់ទុកការប្រឆាំងដោយដុតខ្លួនបែប នេះជាសកម្មភាពវាយប្រហារភេរវកម្ម។
អង្គការសេរីភាពទីបេ “Free Tibet” បានប្រកាសឱ្យដឹងថា ស្ដ្រីដែលដុតខ្លួន ប្រឆាំងខាងលើមានឈ្មោះ Norchuk អាយុ៤០ឆ្នាំ បានដុតខ្លួនកាលពីថ្ងៃសុក្រ កន្លងមក ស្ថិតនៅភូមិ Trosuk ស្រុក Ngaba ។ អង្គការខាងលើបាននាំសាក សពទៅបូជា ហើយយកធាតុមកជូន គ្រួសារធ្វើបុណ្យតាមប្រពៃណី ។
មួយថ្ងៃក្រោយហេតុការណ៍ខាងលើ កើតឡើងព្រះសង្ឃនៅ Ngaba មួយអង្គ បានធ្វើដំណើរថ្មើជើងប្រឆាំងនឹងរដ្ឋាភិ បាលចិនដោយស្រែកខ្លាំងៗស្នើដល់ សម្ដេចសង្ឃដាឡៃឡាម៉ា វិលត្រឡប់ ចូលទីបេវិញ ។
កាលពីខែធ្នូ ឆ្នាំ២០១៤ ជនជាតិទីបេ ៣នាក់ក៏បានដុតខ្លួនប្រឆាំងនឹងរដ្ឋាភិ បាលចិន ហើយការដុតខ្លួនប្រឆាំងនោះ ធ្វើឡើងក្នុងរយៈពេលតែមួយសប្ដាហ៍ ប៉ុណ្ណោះ ។ ក្នុងចំណោម៣នាក់ដែលបាន ដុតខ្លួនមានព្រះសង្ឃទីបេមួយអង្គព្រះ នាម Kalsang Yeshi ធ្លាប់បានប្រឆាំង នឹងរដ្ឋាភិបាលទាមទារសេរីភាពនិងឯក រាជ្យភាពដល់តំបន់ទីបេ ។
ករណីដុតខ្លួនធ្វើអត្ដឃាតនៅក្នុងតំបន់ ទីបេដោយស្ថិតក្រោមគ្រប់គ្រងរបស់ចិន កាន់តែកើនឡើងខ្ពស់ពីមួយថ្ងៃទៅមួយ ថ្ងៃ ។ តាំងពីឆ្នាំ២០០៩មកទល់ពេល នេះមានករណីដុតខ្លួនធ្វើអត្ដឃាតប្រឆាំង រដ្ឋាភិបាលចិនមានរហូតដល់១៣០ ករណី ។ ការធ្វើអត្ដឃាតកើតឡើងខ្ពស់ បំផុតប៉ុន្មានខែចុងក្រោយនេះនៅពេល ដែលពលរដ្ឋទីបេបង្ហាញអារម្មណ៍ថា ខ្លួន កំពុងរងភាពអយុត្ដិធម៌កាន់តែខ្លាំងឡើង ពីមួយថ្ងៃទៅមួយថ្ងៃ ។
បញ្ហាទីបេជាតំបន់រសើបបំផុតរបស់ រដ្ឋាភិបាលចិន ហើយកន្លងមកចិន បានព្រមានដល់ប្រទេសដទៃ ពិសេសគឺ អាមេរិកមិនត្រូវលូកដៃចូលវិវាទផ្ទៃក្នុង របស់ចិននោះឡើយ ។ រាល់ពេលដែល អាមេរិកទទួលស្វាគមន៍សម្ដេចសង្ឃ ទីបេដាឡៃឡាម៉ា ចិនតែងតែប្រឆាំង ជានិច្ចគឺជាសកម្មភាពធ្វើឱ្យប៉ះពាល់ដល់ ទំនាក់ទំនងអាមេរិកនិងចិន ។ ទីបេគឺ ជាបញ្ហាផ្ទៃក្នុងរបស់ចិន ដូច្នេះប្រទេស ដទៃមិនអាចលូកដៃជ្រៀតជ្រែកបាន ឡើយ 9
