ខេត្តសៀមរាប៖នៅលើលោកនេះពិតជាមានរឿងដែលស្មានមិនដល់ថា មានស្រីដាច់ចិត្តចាកចោលប្តីនិងកូនទៅរួមមេត្រីយ៉ាងត្រេកត្រអាលជាមួយប្រុសស្នេហ៍នៅក្នុងផ្ទះសំណាក់បណ្តែតបណ្តោយឲ្យប្តីនិងកូនរស់នៅរងារឯកា ជាក់ស្តែងស្ត្រីម្នាក់ជាបុគ្គលិកធានាគារអេស៊ីលីដានៅខេត្តឧត្តរមានជ័យ បានលួចរត់ចេញពីផ្ទះ ដើរផឹកស៊ីជាមួយមិត្តភក្ត័នៅខេត្តសៀមរាប ហើយក៏ជ្រុលជ្រោះធ្ងន់ភ្លេចគិតថាខ្លួនជាស្រីមានប្តីបានណាត់ប្រុសស្មេហ៍នាំឡើងឋានសួគ៌យ៉ាងត្រេកត្រអាលក្នុងកាមតណ្ហាជ្រាលជ្រៅ ត្រូវបានប្តីតាមទាន់ទាំងព្រឹក កំពុង
ដេកជាមួយសង្សាក្នុងផ្ទះសំណាក់ ហើយមកប្តឹងសមត្ថកិច្ចមូលដ្ឋានឲ្យឃាត់ខ្លួនបានទាំង២នាក់ ប៉ុន្តែបុរសជាជនសង្ស័យលួចរួមមេត្រីប្រពន្ធគេនោះគេចខ្លួនបាត់ ខណៈសុំប៉ូលិសទៅទិញទឹកផឹក ។
ហេតុការសមត្ថកិច្ចនិងប្តីតាមទាន់ដល់ក្នុងបន្ទប់ផ្ទះសំណាក់យីហោ(ព្រហ្មរត្ម័អ៊ីន)នោះកើតឡើងកាលពីវេលាម៉ោង៨ព្រឹកថ្ងៃទី៨ខែមិនាឆ្នាំ២០១៥ ស្ថិតនៅក្រុមទី២ ភូមិវត្តបូព៌ សង្កាត់សាលាកំរើក ក្រុងសៀមរាប។
អធិការរងទទួលបន្ទុកព្រហ្មទណ្ឌក្រុងសៀមរាបលោកអនុសេនីយឯក នួន ស័ក្កចំរើនរិទ្ធបានប្រាប់ថា ដោយទទួលបានពាក្យបណ្តឹងរបស់ជនរងគ្រោះជាប្តី សមត្ថកិច្ចបានចុះទៅដល់ផ្ទះសំណាក់យីហោ(ព្រហ្មរត្ម័អ៊ីន)រួចចូលទៅក្នុងបន្ទប់លេខ១០១ក៏ឃើញជនសង្ស័យទាំង២នាក់កំពុងដេកនៅផ្ទះសំណាក់នេះពិតប្រាកដមែន។លោកបន្តថា បន្ទាប់ពីឃើញភស្តុតាងជាក់ស្តែង
យ៉ាងដូច្នេះ សមត្ថកិច្ចក៏បាននាំខ្លួនជនប្រុសស្រីទាំង២នាក់មកកាន់ប៉ុស្តិរដ្ឋបាលសង្កាត់សាលាកំរើកដើម្បីធ្វើការសួរនាំ។លោកបន្តទៀតថា ជនសង្ស័យដេកជាមួយប្រពន្ធគេមានឈ្មោះ តូន សុគរី ភេទប្រុសអាយុ២៦ឆ្នាំ មុខរបរមិនពិតប្រាកដមានស្រុកកំណើតនៅខេត្តបាត់ដំបង បច្ចុប្បន្នស្នាក់នៅភូមិខ្លាខាំឆ្កែ ឃុំតាឡុំ ស្រុកមង្គលបុរី ខេត្តឧត្តរមានជ័យ និងស្ត្រីនោះមានឈ្មោះ ព្រំ សុហេង អាយុ៣០ឆ្នាំមុខរបរបេឡាអេស៊ីលីដា ក្រុងសំរោង រស់នៅភូមិដូនកែនខាងត្បូង សង្កាត់សំរោង ក្រុងសំរោង ខេត្តឧត្តរមានជ័យ ។
ចំណែកប្តីមានឈ្មោះ ជិន សុគុណ ភេទប្រុសអាយុ២៦ឆ្នាំមុខរបរជាប៉ូលិសក្រុងសំរោង រស់នៅជាមួយគ្នា ដែលមានកូនស្រីម្នាក់អាយុ២ឆ្នាំ។បន្ទាប់ពីសមត្ថកិច្ចសួរនាំរួចក៏ត្រូវបានបញ្ចប់
ទៅវិញ ខណៈភាគីទាំងសងខាងបានសម្របសម្រួលគ្នាត្រូវរ៉ូវគ្នាវិញ។
បុរសជាប្តីបានរៀបរាប់ទាំងតឹងទ្រូងថា ប្រពន្ធរបស់ខ្លួនបានយកលេសរត់ចេញពីផ្ទះជាច្រើនដង ដោយចោទថា ខ្លួនមានស្រីញី ប៉ុន្តែលុះដល់ថ្ងៃទី០៧ខែមិនាបានមកចូលរួមកម្មវិធីខួបមិត្តភក្ត័នៅខេត្តសៀមរាប។ដោយមានមិត្តភក្ត័របស់លោកនៅខេត្តសៀមរាបបានទូរស័ព្ទប្រាប់ថា ប្រពន្ធឯងត្រូវបានគេដឹកចូលផ្ទះសំណាក់ ពេលនោះខ្លួនបានធ្វើដំណើរចេញពីខេត្តឧត្តរ
មានជ័យមកសៀមរាបក៏ប្តឹងសមត្ថកិច្ចឲ្យចាត់ការទៅតាមផ្លូវច្បាប់។លោកបន្តថា បន្ទាប់ពីឃាត់ខ្លួនប្រុសស្រីទាំង២នាក់យកមកប៉ុស្តិសាលាកំរើកក៏ត្រូវបាន បុរសជាសាហាយស្មន់សុំប៉ូលិសចេញទៅទិញទឹកផឹកនៅខាងមុខប៉ុស្តិរួចក៏គេចខ្លួនបាត់។លោកបន្តទៀតថា ខ្ញុំព្រមបញ្ចប់រឿងនេះដោយសារខ្ញុំអាណិតកូននិងប្រពន្ធ ប៉ុន្តែជំហររបស់ខ្ញុំត្រូវតែលែងលះជាមួយប្រពន្ធរូបនេះ ព្រោះមនុស្សប្រុសមានការខ្មាស់អៀន។
ចំណែកស្ត្រីជាប្រពន្ធបានរៀបរាប់ថា រឿងនេះមិនគួរធ្លាក់មកលើរូបខ្ញុំសោះ ព្រោះប្តីរបស់ខ្ញុំគេមានស្រីលួចលាក់ ទើបខ្ញុំខូចចិត្តផឹកស្រវឹងភ្លេចគិតមួយគ្រាក៏ជ្រុលខ្លួនតែម្តង។ស្ត្រីរូបនេះបានបន្តថា ដើម្បីបញ្ចប់រឿងខ្ញុំក៏បានទៅអង្វរសុំទោសប្តី ឲ្យរួចផុតពីសំណាញ់ច្បាប់។
នេះជាមេរៀនមួយសម្រាប់បុរសនិងស្ត្រីក្នុងនាមជាប្រជាជនខ្មែរកាន់សាសនាព្រះពុទ្ធគួរតែជៀសវាងឲ្យផុតពីករណីខាងលើនេះព្រោះជារឿងមួយធ្វើឲ្យសង្គមស្អប់ខ្ពើមបំផុត ហើយបើសិនពីសម័យមុននោះគូរស្នេហ៍លួចរួមមេត្រីចោលប្តីនិងកូនយ៉ាងដូច្នេះប្រាកដជាប្តីប្រល័យចោលទាំង២ជាមិនខាន ប៉ុន្តែនៅសម័យនេះគេត្រូវអនុវត្តន៍តាមផ្លូវច្បាប់ជាចំបង៕
