ឃាត់ខ្លួនជនសង្ស័យម្នាក់ករណីលួចម៉ូតូ(កាច់សោរកម៉ូតូ)តែមិនបានសំរេច
រាជធានីភ្នំពេញ៖ជនសង្ស័យម្នាក់ ត្រូវបានកម្លាំងប៉ូលិសប៉ុស្តិ៍ទួលសង្កែយាមល្បាតប្រទះឃើញខណះជនសង្ស័យកំពុងតែធ្វើសកម្មភាពលួចយកម៉ូតូរបស់ជនរងគ្រោះហើយបណ្តើរចេញមកក្រៅក៍ឃាត់ខ្លួនជនសង្ស័យរួមនិងវត្ថុតាងនាំយកមកប៉ុស្តិ៍ធ្វើការសួរនាំ។
ហេតុការណ៍ឃាត់ខ្លួននេះបានកើតឡើងកាលពីវេលាម៉ោង10និង30នាទីយប់ថ្ងៃទី7ខែមិនាឆ្នាំ២០១៥ នៅចំណុចផ្ទះជួលផ្លូវលេខ907ក្រុមទី11ភូមិទួលសង្កែសង្កាត់ទួលសង្កែខណ្ឌឬស្សីកែវ ។តាមប្រភពពត៌មានពីសមត្ថកិច្ចបានឱ្យដឹងថា
ជនសង្ស័យមានឈ្មោះជា សុខហៅសឹងភេទប្រុស អាយុ29ឆ្នាំ ជនជាតិវៀតណាមមុខរបរមិនពិតប្រាកដស្នាក់នៅផ្ទះជួលផ្លូវលំភូមិសាមគ្គីសង្កាត់ឬស្សីកែវខណ្ឌឬស្សីកែវរាជធានីភ្នំពេញ ។ ចំណែកជនរងគ្រោះជាម្ចាស់ម៉ូតូម៉ាកនិចព៏ណសុខកូឡាដែលត្រូវជនសង្ស័យកាច់សោរកលួចយកមិនបានសម្រេចនោះមានឈ្មោះ ចឹក សុខបានភេទប្រុសអាយុ24ឆ្នាំស្នាក់នៅផ្ទះជួលផ្លូវលេខ907ក្រុមទី11ភូមិទួលសង្កែសង្កាត់ទួលសង្កែខណ្ឌឬស្សីកែវ ។
បច្ចុប្បន្នជនសង្ស័យត្រូវបានសមត្ថកិច្ចឃាត់ខ្លួនបណ្តោះអាសន្ននៅអធិការដ្ឋាននគរបាលខណ្ឌឬស្សីកែវដើម្បីធ្វើការសាកសួរនិងកសាងសំណុំរឿងដើម្បីបញ្ជូនទៅតុលាការក្រុងភ្នំពេញដើម្បីចាត់ការបន្តតាមនិតិវិធីច្បាប់ ។
