ខេត្តព្រះសីហនុព្រឹកថ្ងៃទី០៩ ខែមិនា ឆ្នាំ២០១៥ ឧបនាយករដ្ឋមន្ត្រី យឹម ឆៃលី បានអញ្ញើញជាអធិបតីក្នុងពិធីសម្ពោធឧបដ្ឋានសាលា និងសមិទ្ធិផលនានាក្នុងវត្តពោធិអណ្តែត ស្ថិតក្នុងភូមិបត់ សិរមាន់ ឃុំព្រៃនប់ ស្រុកព្រៃនប់ ខេត្តព្រះសីហនុ ។
ដោយមានការអញ្ញើញចូលរួមពីអភិបាលខេត្ត ប្រធានក្រុមប្រឹក្សាខេត្ត អភិបាលស្រុក ប្រធានមន្ទីរ អនុប្រធាន មន្ត្រីជុំវិញខេត្ត លោកគ្រូ អ្នកគ្រូ សិស្សានុសិស្ស និងប្រជាពលរដ្ឋចំនួន១២០០នាក់ ។
ឯកឧត្តមឧបនាយករដ្ឋមន្ត្រី យឹម ឆៃលី បានមានប្រសាសន៌ថា វិស័យព្រះពុទ្ធសាសនា ជាសាសនារបស់រដ្ឋ ដូច្នេះពុទ្ធិចក្រ និងអាណាចក្របានចូលរួមអភិវឌ្ឍន៌ប្រទេសជាតិ មិនអាចកាត់ផ្តាច់បាន ហើយវាអាស្រ័យដោយមានការចូលរួមពីប្រជាពលរដ្ឋ ។
រាជរដ្ឋាភិបាលកម្ពុជាអាណត្តិទី៥ នៃរដ្ឋសភា សំដៅបង្កើនសេដ្ឋកិច្ចកាត់បន្ថយភាពក្រីក្ររបស់ប្រជាពលរដ្ឋឪ្យបានជាង ១%ក្នុងមួយឆ្នាំ ទាំងនៅទីក្រុង ក៌ដូចជនបទ ។ រាល់សមិទ្ធិផលនានាដែលកើតឡើងក្នុងវត្តនេះ ក៌ដូចជានៅទូទាំងប្រទេសមានការ រីកចំរើនសំដៅលើកស្ទួយជីវភាពរស់នៅរបស់ប្រជាពលរដ្ឋដែលទទួលបានសុខសន្តិភាព ឯកភាពទឹកដី ផ្តើមចេញពីគោលនយលបាយបង្រួបបង្រួមជាតិ សន្តិភាព និងការអភិវឌ្ឍន៌លើគ្រប់វិស័យ ។
រាជរដ្ឋាភិបាលអាណត្តិទី៥ ស្របច្បាប់កើតចេញពីឆន្ទះរបស់ប្រជាពលរដ្ឋសំដៅបង្កើនកំណើនសេដ្ឋកិច្ចសម្រេចបានជោគជ័យស្របតាមយុទ្ធសាស្ត្រចតុកោនទី១ ទី២និងបន្តដាក់ចេញនូវយុទ្ធសាស្ត្រតំណាក់កាលទី៣ មានន័យថា យើងសម្រេចបានស្ថេរភាព សន្តិភាព នយោបាយ ម៉ាក្រូ សេដ្ឋកិច្ច ។
រាជរដ្ឋាភិបាលកម្ពុជា ត្រូវបានអន្តរជាតិវាយតំលៃថា ជាប្រទេសទី១០ សម្រេចបានកំណើនសេដ្ឋកិច្ចខ្ពស់ ១០ឆ្នាំចុងក្រោយនេះ ហើយកម្ពុជាជាប្រទេសទី៥ ដែលសម្រេចបានគោលដៅ អភិវឌ្ឍន៌កម្ពុជាឆ្នាំ២០១៥ ។ កម្ពុជាជាប្រទេសទី១ ក្នុងតំបន់អាស៊ីប៉ាស៊ីហ្វិក ដែលបានកែលំអ អនុវត្តមានភាពល្អប្រសើរក្នុងយុទ្ធសាស្ត្រកាត់បន្ថយភាពក្រីក្រ ហើយការរីកចំរើនត្រឹមត្រូវស្របតាម គោលនយោបាយរបស់រាជរដ្ឋាភិបាលកម្ពុជា ជាប្រទេសដែលមានការអភិវឌ្ឍកាន់តែប្រសើរ ។
ឯកឧត្តមឧបនាយករដ្ឋមន្ត្រី យឹម ឆៃលី បានបន្តថា រាជរដ្ឋាភិបាលកម្ពុជាតំណាក់កាលទី៣ កំពុងកែទម្រង់ស៊ីជម្រៅ ដើម្បីបង្កើនកំណើន ការងារ សមធម៌ និងប្រសិទ្ធិភាព ហើយការកែប្រែទី១ ប្រពន្ធច្បាប់ និងយុត្តិធម៌ ទី២ រដ្ឋបាលសាធារណះ ហើយប្រពន្ធច្បាប់យើងកំពុងបានរៀបចំកែសម្រួលនៅរាជធានីភ្នំពេញមុនគេ ដើម្បីធានាផ្តល់សេវាសាធារណះជូនប្រជាពលរដ្ឋកាន់តែ
ងាយ ស្រួល ក្នុងការកាត់បន្ថយនូវការចំណាយពេលវេលា និងលុយកាក់ជាដើម ។ បន្ទាប់មកក៌មានបំពាក់គ្រឿងឥស្សរិយស្សជូនមន្ត្រីរាជការ និងសប្បុរសជនដែលមានស្នាដៃល្អក្នុងការបំពេញការងារជូនជាតិ មាតុភូមិ និងកាចូលរួមចំណែកកសាងនូវសមិទ្ធិផលនានាក្នុងវត្តអារាម និងនៅតាមមូលដ្ឋាន ៕
