យុវជនម្នាក់ក្នុងចំណោម២នាក់ ត្រូវបានសមត្ថកិច្ចបុស្តិ៍ន គរបាលរដ្ឋបាលស្ទឹងមានជ័យ ឃាត់ខ្លួនបានភ្លាមៗ បន្ទាប់ពីបានធ្វើសកម្មភាពឆក់ កាបូបស្ពាយពីនារីម្នាក់ តែមិនបានសម្រេចក៏ដួលម៉ូតូ ត្រូវបានប្រជាពលរដ្ឋ នៅជិតកន្លែងកើតហេតុជួយអន្តរាគមន៍ ។ ហេតុការណ៍នេះ បានកើតឡើងកាលពីវេលាម៉ោង៨នឹង៤០នាទីយប់ថ្ងៃ ទី៩ ខែមិនា ឆ្នាំ២០១៥ ជិតនឹងវត្តពោធិញ្ញាណ តាមបណ្តោយផ្លូវលេខ៣៧១ ស្ថិតក្នុងសង្កាត់ស្ទឹងមានជ័យ ខណ្ឌមានជ័យ ។
ជនសង្ស័យដែលឃាត់ខ្លួនបានខាងលើ មានឈ្មោះ ស្វាយ សារ៉ាត់ អាយុ២៩ឆ្នាំ មាន
ស្រុកកំណើតនៅភូមិអ្នកលឿង ឃុំអ្នកលឿង ស្រុកកៀនស្វាយ ខេត្តស្វាយរៀង បច្ចុប្បន្នស្នាក់នៅម្តុំអង់តែនទួលគោក ស្ថិតក្នុងសង្កាត់ទួលសង្កែ ខណ្ឌទួលគោក ចំណែកនារីជនរងគ្រោះមានឈ្មោះ ឡាយ ជាលី អាយុ២០ឆ្នាំ មានស្រុកកំណើតនៅឃុំក្រូចឆ្មារ ស្រុកក្រូចឆ្មារ ខេត្តកំពង់ចាម និងមានទីលំនៅបច្ចុប្បន្នក្នុងភូមិសំបួរ សង្កាត់ដង្កោ ខណ្ឌដង្កោ ។
តាមសម្តីរៀបរាប់ ពីនារីរងគ្រោះបានឱ្យដឹងថា នៅមុនពេលកើតហេតុ រូបនាងបានជិះម៉ូតូធូដេមួយគ្រឿងតែម្នាក់ឯង ចេញពីសាលារៀនក្នុងទិសដៅពីកើតទៅលិច ខណះមកដល់ម្តុំវត្តពោធិ៍ញ្ញាណ ស្រាប់តែមានជន សង្ស័យ២នាក់ជិះម៉ូតូស៊ូសុគីស្មាសពណ៍ខ្មៅ ពាក់ស្លាកលេខភ្នំពេញ 1AM-2752 មកពីក្រោយរួចក៏បានធ្វើសកម្ម ភាពឆក់កាបូបស្ពាយពីនារីរងគ្រោះ ។
ជនរងគ្រោះបន្តថា រូបនាងក៏បានទាញយកកាបូបពីជនសង្ស័យវិញ តែមិនឈ្នះក៏ត្រូវបានជនសង្ស័យយកបាន តែត្រូវដួលម៉ូតូដូចគ្នាផងដែរ ហើយនារីរងគ្រោះក៏បានស្រែកឆោឡោរឡើងថាចោរៗ បង្កការភ្ញាក់ផ្អើលដល់ប្រជាបលរដ្ឋនៅជិតនៅ ធ្វើការឃាត់ខ្លួនបានជនសង្ស័យម្នាក់ក្នុងចំណោម២នាក់ ។ ភ្លាមនោះសមត្ថកិច្ចដែលកំពុងជិះល្បាតនៅជិតកន្លែងកើតហេតុ
បានធ្វើការអន្តរាគមន៍ និងបានយកជនសង្ស័យទៅបុស្តិ៍នគរបាលរដ្ឋបាលស្ទឹងមានជ័យ ហើយក្រោយពីសួរនាំជនរងគ្រោះបានសារភាពថា រូបគេពិតជាបានធ្វើសកម្មភាពឆក់កាបូបពីជនរងគ្រោះពិតប្រាកដមែន ។ បច្ចុប្បន្នជនសង្ស័យខាងលើត្រូវបានឃុំខ្លួន នៅបុស្តិ៍នគរ បាលរដ្ឋស្ទឹងមានជ័យ និងកសាងសំណុំរឿង ទៅអធិការដ្ឋាននគរបាល ខណ្ឌមានជ័យ រង់ចាំចាត់ការតាមនីតិវិធី ៕
