កំពង់ឆ្នាំង៖នៅលើដីរាប់សិបហិកតារបស់មេកងរាជអាវុធហត្ថម្នាក់បានដុះព្រៃបន្លាយួន ព្រៃត្រែ
ង ព្រៃអញ្ចាញយ៉ាងក្រាស់ និងនៅរដូវប្រាំងភ្លើងព្រៃបានរាលដាលឆេះជារៀងរាល់ឆ្នាំ ធ្វើអោយប្រជាពលរដ្ឋជាង៥០គ្រួសារនៅក្នុងភូមិកណ្តាល សង្កាត់កំពង់ឆ្នាំង ក្រុងកំពង់ឆ្នាំង 
ដែលមានផ្ទះជាប់និងព្រៃនោះ មានការភ័យព្រួយយ៉ាងខ្លាំង។ជាក់ស្តែងចាប់ពីម៉ោង ៨ព្រឹកថ្ងៃទី១០ ខែមិនា ឆ្នាំ២០១៥នេះមក ព្រៃខាងលើនេះត្រូវបានភ្លើងឆេះរាលដាលយ៉ាងខ្លាំង ធ្វើអោយប្រជាពលរដ្ឋនៅទីនោះមានការភ្ញាក់ផ្អើលគ្រប់ៗគ្នា និងបាននាំគ្នាបញ្ឆេះម៉ាស៊ីនបូមទឹកត្រៀមទប់ស្កាត់គ្រោះអគ្គីភ័យនេះដោយខ្លាចរាលដាលឆេះដល់ផ្ទះពួកគាត់។
ប្រជាពលរដ្ឋដែលកំពុងនាំគ្នាបាញ់ទឹកលើព្រៃជិតផ្ទះពួកគាត់ដើម្បីការពារកុំអោយភ្លើងរា
លដាលបាននិយាយអោយដឹងថា៖ម្ចាស់ដីដែលទុកព្រៃមិនបានការ និងបង្កការព្រួយបារម្មដល់
ពកគាត់មានឈ្មោះ រុន រត្ន័វាសនា ជាមេកងរាជអាវុធហត្ថនៅក្នុងក្រុងភ្នំពេញម្នាក់ ដែលបានទិ
ញដីនេះទុកចោលជាយូរឆ្នាំមកហើយ ។
កាលពីឆ្នាំមុនភ្លើងឆេះព្រៃដូចនេះ ត្រូវបានផ្កាភ្លើងប៉ើងមកចំឆេះដំបូលផ្ទះស្កឹក១ខ្នងដែលនៅក្បែរនោះ តែសំណាងល្អត្រូបានរថយន្តពន្លត់អគ្គីភ័យមកជួយបាញ់ពន្លត់ទាន់ ហើយបើគ្មានរថយន្តជួយបាញ់ពន្លត់ទេនោះ ភ្លើងឆេះផ្ទះន៉ពិតជារាលដាលឆេះផ្ទះដែលនៅជាប់ៗគ្នានោះជាច្រើនខ្នងមិនខាន។
កន្លងមកដោយមានការភ័យខ្លាចកាលពីឆ្នាំមុន ប្រជាពលរដ្ឋនៅចំណុចនេះជាង៥០គ្រួ សារបាននាំគ្នាប្តិតមេដៃតាមរយៈលោកស្រីចៅសង្កាត់ សំណូមពរអោយលោក រុន រត្ន័វាសនា ជាម្ចាស់ដីជួយកាប់ឈូសឆាយកាប់ព្រៃដែលមិនបានការទាំងអស់នោះចេញ ដើម្បីទប់ស្កាតគ្រោះអគ្គីភ័យដល់ត្ទាពួកគាត់ ប៉ុន្តែមកដល់ពេលនេះគ្មានទទួលបានលទ្ធផលអ្វីឡើយ។
មកដល់ថ្ងៃទី១០ ខែមិនា ឆ្នាំ២០១៥នេះ ការភ័យខ្លាចេបស់ពួកគាត់ដោយការឆេះភ្លើង
ព្រៃនេះបានកើតឡើងទៀតហើយ។ពួកគាត់សំណូមពរទូរទស្សន៍ហង្សមាស មេត្តាជួយផ្សាយ
សំណូមពរខាងលើនេះអោយបានឮដល់លោក រុន រត្ន័វាសនា សុំអោយលោកជួយកាប់ព្រៃឬ
ឈូសឆាយព្រៃទាំងអស់នេះអោយបានស្រឡះ ដើម្បីលុបបំបាត់ការភ័យព្រួយជូនពួកគាត់ទាំងជាង៥០គ្រួសារផងចុះ។ចំណែកលោក រុន រត្ន័វាសនា មិនអាចសុំការបំភ្លឺបានទេព្រោះគ្មានលេខទូសព្ទ័ទាក់ទងឡើយ។
ពួកគាត់គិតថាបើភ្លើងឆេះព្រៃនេះរាលដាលឆេះដល់ផ្ទះពួកគាត់ គឺអ្នកទទួលខុសត្រូវក្នុង
គ្រោះអគ្គីភ័យនេះ គ្មានអ្នកពីលោក រុន រត្ន័វាសនា ជាម្ចាស់ដីនិងម្ចាស់ព្រៃនោះឡើយ៕
