នៅឆ្នេរសមុទ្រភាគខាងលិចប្រទេសអូស្ត្រាលីពលរដ្ឋបានប្រទេះឃើញកញ្ចប់កន្សែងមានស្លាកយីហោរបស់ក្រុមហ៊ុនអាកាស់ចរណ៍ម៉ាឡេស៊ី ត្រូវគេសង្ស័យថាជារបស់យន្តហោះ MH 370ដែលបានបាត់ខ្លួនតាំងពីថ្ងៃទី៨ខែមីនាឆ្នាំ២០១៤។បណ្តាញទូរទស្ស 9 News បានផ្សាយនៅ
ថ្ងៃទី១០ខែមីនា ថា ពីរនាក់ប្តីប្រព័ន្ធ ឈ្មោះKingsley និង Vicki Miller ដើរកម្សាន្តនៅតាមបណ្តោយឆ្នេរសមុទ្រស្ថិតនៅស្រុក Cervantes ក៏បានប្រទេះឃើញ កន្សែងដែលមានស្លាក់ហីហោរបស់ក្រុមហ៊ុនអាកាស់ចរណ៍ម៉ាឡេស៊ី។ ភ្លាមៗនោះអ្នកទាំងពីរក៏បានផ្តាល់ដំណឹងឲ្យប៉ូលិសបានដឹង ហើយបញ្ចូនវត្ថយទាំងនោះទៅកាន់ទីក្រុងCanberra ត្រួតពិនិត្យ។
បច្ចុប្បន្ន មជ្ឈមណ្ឌុលសហការស្វែងរកយន្តហោះ MH 370 នៅតែមិនទាន់វិភាគអ្វីជុំវិញហេតុការខាងលើ ពេលនេះគេកំពុងតែស្រាវជ្រាវថាតើកន្សែងនោះមាននៅលើយន្តហោះដែលបាត់ខ្លួនដែរឬទេ។
តាមការវាយតម្លៃរបស់អ្នកឯកទេស កញ្ចប់កន្សែងខាងលើ មិនទាន់ខូចខាតនោះឡើយ ទាំងនោះពិបាកសន្និដ្ឋានថាជារបស់យន្តហោះMH 370 ខ្លាំងណាស់ដោយសារតែ ជាងមួយឆ្នាំកន្លមកហើយ ។ ប្រសិនបើធ្លាក់ចូលក្នុងសមុទ្រប្រាកដិជាមានបំណែកផ្សេងទៀតអណ្តែតមកឆ្នេរមុទ្រជាមិនខាន មិនមានតែកន្សែងមួយនេះឡើយ។
ជាមួយគ្នានោះដែរការខិតកិច្ចខិតខំប្រឹងប្រែង របស់ក្រុមរុករកអូស្ត្រាលី សហការជាមួយ នឹងកងនាវា របស់ចិន នៅតែ បន្តធ្វើឡើង ដើម្បីបំបែកភាពអាថ៌ កំបាំងបំផុត ដែលមិនធ្លាប់ កើតមានចំពោះ ប្រវត្តិសាស្ត្រ នៃវិស័យ អាកាសចរណ៍ពិភពលោក ។
លោក ម៉ាទីន ដូឡាន ប្រធាននៃគណកម្មការសុវត្ថិភាពដឹកជញ្ជូនអូស្ត្រាលី (ATSB) បានបញ្ជាក់ថា ប្រតិបត្តិការ របស់ខ្លួនកន្លងមក កម្រនឹងធ្វើការទាក់ទងដោយផ្ទាល់ណាមួយទៅកាន់មន្ត្រី ចិន ឬ ក៏ម៉ាឡេស៊ី ណាស់។ ប៉ុន្តែសម្រាប់ភ្នាក់ងារសម្របសម្រួលរួមរបស់រដ្ឋាភិបាលលោក អាប់បុតត៍ (JACC) បានបង្កើត ទំនាក់ទំនងគ្នាជាមួយចិន និង ម៉ាឡេស៊ី តាំងពីថ្ងៃខែមីនា ឆ្នាំមុននេះមកម្ល៉េះ។
ដូច្នេះ ក្រុម ATSB នឹងអាចធ្វើការរុករក MH370 បន្តទៅមុខទៀត ដោយមានការរួមសហការ ពេញលេញ ជាមួយនឹងភាគីចិន ក៏ដូចជាម៉ាឡេស៊ីផងដែរ។ ទោះបីជាយន្តហោះបានបាត់ខ្លួន ទៅតាំងពីថ្ងៃទី០៨ ខែមីនា ឆ្នាំ ២០១៤ ក្តី ប៉ុន្តែប្រតិបត្តិការរុករក នៅតែបន្តធ្វើឡើងពីបណ្តា ប្រទេសពាក់ព័ន្ធ ដូចជា ចិន អូស្ត្រាលី និង ម៉ាឡេស៊ី ហើយភាពអាថ៌កំបាំងទាំងឡាយ នឹង អាចឲ្យយើងដឹងនាពេលខាងមុខ៕
