ខេត្តកំពង់ធំ: កាលពីព្រឹកថ្ងៃទី១១ ខែមិនា ឆ្នាំ២០១៥ នៅអធិការដ្ឋានរដ្ឋបាលព្រៃឈើ ប៉ែក ខាងជើងបឹងទន្លេសាប ដែលស្ថិតនៅភូមិថ្នល់បែក ឃុំត្រពាំងឬស្សី ស្រុកកំពង់ស្វាយ ខេត្តកំពង់ធំ បានបើកពីធីប្រគល់ថវិការដល់ក្រុមគ្រួសារសពមន្ត្រីរដ្ឋបាលព្រៃឈើ ដែលមានការអញ្ជើញចូលរួម ពីនាយ-នាយរងខណ្ឌកំពង់ធំ,នាយ-នាយរងផ្នែករដ្ឋបាលព្រៃឈើស្ទោងនិងមន្ត្រីរដ្ឋបាលព្រៃឈើ ជាច្រើននាក់ ក្រោមអធិបតីភាពឯកឧត្ដម នាយអធិការដ្ឋានរដ្ឋបាលព្រៃឈើ ប៉ែកខាងជើងបឹងទន្លេ សាប។
នៅក្នុងពិធីនេះ លោក គីម ចន្ថា នាយរងអធិការដ្ឋានរដ្ឋបាលព្រៃឈើបឹងទន្លេសាប បាន ឡើងអានសារលិខិត រំលែកទុក្ខរបស់ក្រសួងកសិកម្ម រុក្ខាប្រម៉ាញ់និងនេសាទជូនចំពោះក្រុមគ្រួសារ សព លោកសេង មុន្នី អតីតជានាយរងរដ្ឋបាលព្រៃឈើសង្កាត់ប្រាសាទបល្ល័ង្គ ដែលបានមរណភាព កាលពីថ្ងៃទី៣០ ខែមករា ឆ្នាំ២០១៥ ក្នុងជន្មាយុ៤០ឆ្នាំ ដោយរោគាពាធ។
នៅក្នុងសារលិខិតនេះ គឺបានសំដែងការសោកស្ដាយជាពន់ពេក ចំពោះការបាត់បង់លោក សេង មុន្នី ជាមន្ត្រីដ៏សកម្ម ដែលបានលះបង់កម្លាំងកាយចិត្តខិតខំបំពេញការងារជូនរដ្ឋនិងបន្សល់ ទុក្ខស្នាដៃជាច្រើនដល់អ្នកជំនាន់ ក្រោយនិងការជាការបាត់បង់នូវស្វាមីនិងបិតា ដែលជាអ្នកមាន គុណជាទីគោរពនិងជាទីស្រឡាញ់។
បន្ទាប់ពីលោកឃឹម ប៉ាន់ នាយរងអធិការ ខាងជើងបឹងទន្លេសាបបានបើកលិខិតបណ្ដាំរួច មក ឯកឧត្ដម ហ៊ុន អៀង នាយអធិការដ្ឋានរដ្ឋបាលព្រៃឈើ ខាងជើងបឹងទន្លេសាប បានប្រគល់ ថវិ ការចំនួន៦លានរៀល ជាថវិការមិត្តកសិកម្មជូន ដល់ក្រុមគ្រួសារសពនិងឧទ្ទិសកុសល ជូនវញ្ញាក្ខ័ន្ធ លោកសេង មុន្នី ស្ថិតនៅតាមថែរក្សាដល់ក្រុមគ្រួសារនិងបានទៅចាប់កំណើត ក្នុងសុគតិភពគ្រប់ៗ ជាតិ។
តំណាងក្រុមគ្រួសារសពលោកសេង មុន្នី បានសំដែងការអគុណចំពោះឯកឧត្ដម បណ្ឌិត អ៊ុក រ៉ាប៊ុន រដ្ឋមន្ត្រី ក្រសួងកសិកម្ម រុក្ខាប្រម៉ាញ់និងនេសាទ,ឯកឧត្ដមនាយអធិការរដ្ឋបាលព្រៃឈើ ប៉ែកខាងជើងបឹងទន្លេសាប និងមិត្តកសិកម្មទាំងអស់ដែលមានចូលរួមនឹងរំលែកទុក្ខនិងផ្ដល់ថវិការ ៦លានរៀលដល់ក្រុមគ្រួសារ របស់គាត់៕កង ចេស្ដា
