ខេត្តស្ទឹងត្រែង៖ ប្រតិបត្តិការរុករកឈើក្នុងក្រុមហ៊ុនស៊ីវហ្គេច អ៊ិនវេសមេន ខូអិលធីឌី បានបញ្ចប់ហើយ នៅ ថ្ងៃទី២១ខែមិនាឆ្នាំ២០១៤នេះ បច្ចុប្បន្នសមត្ថកិច្ចនិងជំនាញកំពុងតែបន្តដឹកជញ្ជូនយកមករក្សទុកនៅសង្កាត់ រដ្ឋបាលព្រៃឈើឃុំក្បាលរមាស ស្រុកសេសាន។
ការចុះបង្ក្រាបនិងរឹបអូសឈើនៅក្នុងក្រុមហ៊ុនចិនខាងលើ នោះ ត្រូវបានគេបង្ហើបឲ្យដឹងថា៖ បានចំនួនប្រមាណជាង៦៨០០កំណាត់ស្មើរនិងប្រមាណជាង១២៥០ម៉ែត្រ គូប ។ គួរបញ្ជាក់ផងដែរថា៖ ការបង្ក្រាបនិងរុករកឈើប្រណិតនៅក្នុងក្រុមហ៊ុនចិនខាងលើ ក្រោមបទបញ្ជាពី ឯកឧត្តមប្រតិភូរាជរដ្ឋាភិបាល ហើយសកម្មភាពនេះ សមត្ថកិច្ចនិងជំនាញ ធ្វើការរុករកជីកគាស់កកាយយក ឈើពីក្នុងដីដែលក្រុមហ៊ុនស៊ីវហ្គេច អ៊ីនវេសមេន ខូអិលធីឌី កប់ ចាប់តាំងពីថ្ងៃទី១៤ខែកុម្ភៈរហូតដល់ថ្ងៃទី២១ ខែមិនាឆ្នាំ២០១៤នេះទើបបញ្ចប់ផែនការ។
ការបង្ក្រាបឈើនៅក្នុងក្រុមហ៊ុនខាងលើនេះសមត្ថកិច្ចជំនាញលោកសិទ្ធិសំណាងនាយរងខណ្ឌរដ្ឋបាលព្រៃឈើខេត្តសឹ្ទងត្រែង៖ហាក់ដូចជាមានការលាក់លាមកាន់ជើងក្រុមហ៊ុនចិនមិនចង់ឲ្យអ្នកសារព័ត៍មានដឹងពីចំនួនឈើដែលបង្ក្រាបបាននោះទេ ប៉ុន្តែត្រូវបានប្រភពលួចបង្ហើបប្រាប់ឲ្យដឹងថា៖ ក្រុមហ៊ុនបានអះអាងថា៖ យក លេសពីមូលហេតុដែលក្រុមហ៊ុនជិកដីគប់ឈើទាំងនោះព្រោះខ្លាចឈើខូចគុណភាពតែតាមពិតគេយកឈើទៅកប់ក្នុងដីនោះដោយសារធ្វើហួសផែនការច្បាប់កំណត់ឲ្យហើយគេរងចាំឳកាសដឹកចេញប៉ុន្តែដឹកចេញមិនរួចរហូតបែកការតែម្ដង។
ប្រភពបន្តទៀតថាឈើដែលរឹបអូសបានមានចំនួនប្រមាណជាង៦៨០០កំណាត់ស្មើរនិង១២៥០ម៉ែត្រគូប ហើយសព្វថ្ងៃនេះអភិបាលខេត្តកំពុងតែកោះហៅតំណាងក្រុមហ៊ុនស៊ីវហ្គេចអ៊ីនវេសមេនខូអិលធីឌីមកធ្វើការបំភ្លឺផងដែរ ប៉ុន្តែខាងក្រុមហ៊ុនពុំទាន់ ចូលខ្លួនមកធ្វើការបំភ្លឺនិងដោះស្រាយនៅឡើយនោះទេ។
លោក ឈាង តុលា នាយខណ្ឌរដ្ឋបាលព្រៃឈើខេត្តសឹ្ទងត្រែង៖ខណៈពេលភ្ងាក់ងារសារព័ត៍មានខ្មែរជិតប្រាំ បួនមិនអាចសុំការបំភ្លឺបានទេក្នុងករណីបង្ក្រាប់ចាប់ឈើនៅក្នុងក្រុមហ៊ុនខាងលើនោះពីព្រោះទូរសព្ទ័ទៅលោកចូល តែគ្មានអ្នកលើក រវល់ហូបការ ៕
